Foto: olympickz
Araǵa 44 jyl salyp qaıtalanǵan tarıh elimiz úshin umytylmas kún bolmaq. Artynda qoldap otyrǵan otandastarynyń alaýyn óshirmeı, qaıta jaqqan Eldos Smetov Olımpıada chempıony atandy.
Aıta ketsek, Eldos Smetovtyń Olımpıadaǵa barýynyń ózi bólek bir áńgime. Ulttyq qurama bapkerleri Smetovke básekeles bolatyn Nurqanat Serikbaev pen Maǵjan Shamshadın sekildi sportshylarymyzdyń saqadaı saı turǵanyn atap ótken. Alaıda olımpıadalyq reıtıngte Nurqanat Serikbaev pen Maǵjan Shamshadın sońǵy ýaqytqa deıin Eldos Smetovtan joǵary turǵan eken. Osyndaı bas qatyrýdyń nátıjesinde úsh birdeı sportshymyz ózara jarysqa túsken. Nátıjesinde Smetov Nurqanatty da, Maǵjandy da eńserip, Olımpıadaǵa jol tartty.
Osydan 44 jyl buryn, 1980 jyldyń 22 shildesinde sheshýshi aıqasta bolgar Pavel Hrıstovtan basym túsken Jaqsylyq Úshkempirov Olımpıada chempıony atanǵan edi. Aıta keterligi, Jaqsylyq Úshkempirov arnaıy daıyndyq josparyn jazǵan desedi. Josparǵa uıyqtaý rejimin, tamaqtaný tártibin, tipti jattýǵylardyń rettiligin jazyp otyrǵan.
Búginde Parıjdiń tórinde týymyzdy kókke kóterip, Olımpıada chempıony atanǵan Eldos Smetovty halqymyz Jaqsylyqtyń búgingi beınesi dep atap jatyr. Tipti, áleýmettik jeli qoldanýshylary qos sportshymyzdyń altyn medal taǵynǵan sátiniń qandaı kóz qýantarlyq kórinis ekenin aıtýdan jalyǵar emes.
Halqymyz úmit artyp otyrǵan sportshylarymyzdyń Olımpıadadaǵy nátıjelerin tilshimiz Ǵalym Súleımen 44 jyl kúttirgen altyn Parıjde buıyrdy atty maqalasynda tarqatyp jazǵan.
