Foto: Ashyq derekkóz
«Men - Olımpıada chempıonymyn! О́zimniń medal jıyntyǵyma tek osy bir medal jetpeı turdy. Bul medaldi osyǵan deıin eki ret eki jaǵynan kórip kettim. Qol sozym jerde qaldyrdym. Mine, endi Olımpıadanyń altyny - meniki. Parıjge tek altyn alýǵa barǵan edim. Armanym oryndaldy. Shúkir, baqyttymyn! Qansha kúnnen beri meni quttyqtap, jyly lebizderińizdi, syı-qurmetterińizdi arnap jatqandaryńyzdy kórip otyrmyn. Barshańyzǵa Alla razy bolsyn! Kóp rahmet! Sizderdiń qoldaýlaryńyz, qazaq halqynyń qoldaýy men úshin qashanda ystyq jáne álemniń qaı buryshynda kúressem de men ony sezemin. Bul - qazaq sportynynyń, qazaq dzıýdosynyń kópten kútken tarıhı altyny», dep jazdy Eldos Smetov áleýmettik jelidegi paraqshasynda.
Ol 2024 jylǵy Olımpıada oıyndarynyń «altyny» qazaq sporty men qazaq dzıýdosy úshin kópten kútken tarıhı oqıǵa ekenin atap ótti.
«Qajyrly eńbek, armanǵa degen adaldyq, maqsatqa degen batyl qadamdar, jaraqatqa tótep berý, talap, dıssıplına meni osy shyńdy baǵyndyrýǵa bettedi. Bizdiń Olımpıada jolymyz úsh bólimnen turatyn uzaq sapar boldy. Osy ýaqyt aralyǵynda maǵan qoldaý kórsetken, jigerimdi janshymaı únemi janymnan tabylǵan, sengen, demegen áýeli ata-anama, otbasy-baýyrlaryma, asyl jaryma, balalaryma sheksiz rahmetimdi aıtamyn. Árıne, jeke bapkerim, ekinshi ákem Ǵalymjan aǵaıdyń eńbegin sıpattaýǵa sóz jetpeıdi. Kásibı sportshylardy qoldap otyrǵan memleketimizge, Qazaqstan dzıýdo federasııasyna jáne «Dınamo» ujymyna, ózimniń Jenys klýbyma rızashylyǵymdy jetkizgim keledi», dep túıindedi Olımpıada chempıony.
