Boks • 31 Shilde, 2024

«Kim aqyldyraq sol jeńedi». Hasanboı Dýsmatov Bıbosynovqa qarsy qalaı daıyndalatynyn aıtty

2003 ret

kórsetildi

1 mın

oqý úshin

Kúni keshe jeńil salmaqtyń sańlaqtary Parıj Olımpıadasynda alǵashqy kezdesýlerin ótkizdi. 51 kelide el namysyn qorǵaıtyn Sáken Bıbosynov Eýropa chempıony, túrkııalyq Samet Gýmýshtan basym tústi. Osy salmaqta favrorıtterdiń biri sanalatyn ózbek boksshysy Hasanboı Dýsmatov Pýerto-Rıkolyq 18 jastaǵy Hýan Lopesten aılasyn asyryp, kelesi kezeńge ótti. Endi 51 kelide 1/4 fınalda qazaq-ózbek boksshylary ózara myqtyny anyqtaıdy, dep jazady Egemen.kz.

Dana MYRZAQADIR

«Kim aqyldyraq sol jeńedi». Hasanboı Dýsmatov Bıbosynovqa qarsy qalaı daıyndalatynyn aıtty

Foto: sports.kz

Hasanboı Dýsmatov keshegi jeńisinen keıin Sáken Bıbosynovqa qarsy ótetin jekpe-jekke qatysty pikir bildirdi.

«Sákenmen kóptegen týrnırde jıi kezdeskenbiz. Bir-birimizdi jaqsy bilemiz. Rıng kórsetedi. Kim jaqsy daıyndalǵan, kim aqyldyraq sol jeńedi dep oılaımyn», dedi ózbek boksshysy.

Olamsport-qa bergen suhbatynda ol jasyna qatysty aıtylyp jatqan syndarǵa da jaýap berdi.

«Qazir kórdińizder 17-18 jastaǵy boksyshyny jeńdim. Sáken Bıbosynovtyń búgingi jekpe-jegin de nazardan tys qaldyrmadym. Endi jattyqtyrýshylarymyzben birge analız jasaımyz. Basqa taktıka oılastyramyz. Basqa jekpe-jekterden aıryqsha bolýy múmkin. Qazir kórip otyrmyz Sákenniń de fızıkalyq daıyndyǵy jaqsy, men de sol qatardamyn. О́zbekstan - Qazaqstan jankúıerleri úshin qyzyq jekpe-jek bolady», dedi Hasanboı Dýsmatov.

Aıta keteıik, Hasanboı Dýsmatov 1993 jyly 24 maýsymda О́zbekstannyń Andıjon oblysynda dúnıege kelgen.