Ult densaýlyǵy – mańyzdy baǵyt

Senator aldymen Shym­kent qalasyndaǵy №6 emhanasynda boldy. Emha­nada konsýltatıvtik-dıagnos­tıka­lyq bólimshe, otbasylyq den­saýlyq saqtaý ortalyǵy, emdeý-aldyn alý bóligi jáne áleý­mettik-psıhologııalyq kó­mek bólimi jumys isteıdi. Dá­rigerler munda 22 sala bo­ıynsha keńes beredi, dıagnos­tıkalyq jáne zerthanalyq zertteý júrgizedi, psıho­logııa­lyq kómek kórsetedi.

Senator kezdesý bary­synda ha­lyqqa sapaly medı­sınalyq qyzmet kórse­tý máselesin densaýlyq saq­taý basqarmasy basshy­lyǵymen jáne medısınalyq mekeme qyzmetker­lerimen birge talqylady.

N.Beknazarov densaýlyq saqtaý salasynyń mindeti – azamattardyń ómir súrý uzaq­tyǵyn arttyrý, den­saý­lyǵyn jaqsartý eke­­nin atap ótti. Sala qyzmet­ker­le­rine jan-jaqty qoldaý kórsetý, olardyń áleý­mettik jaǵdaıyn jaqsartý arqyly medısına salasyn qarjylandyrý óse túsip otyr. Jańa Ádi­let­ti Qazaqstan­dy qurý­ǵa ba­ǵyt­talǵan memleket­tik saıasat­tyń mańyzdy baǵyty – ult densaýlyǵy.

Depýtat «Qoljetimdi bas­pana» memlekettik baǵdar­lamasy aıasynda «Bozaryq» shaǵyn aýdanynda salynyp jatqan turǵyn úılerdi de aralady. Qazirgi ýaqytta Shym­­kentte jetim balalardy, kópbalaly analardy, az qamtylǵan otbasylardy, bıýd­jettik uıymdardyń qyz­metkerlerin qosqanda bar­lyǵy 49 736 adam turǵyn úı kezeginde tur. Senator az qam­tylǵan azamattardy turǵyn úımen qamtamasyz etýdiń mańy­zyna toqtaldy jáne qu­ry­lys jumystarynyń sapasyn atap ótti.

«Memleket basshysy qol­jetimdi baspanamen qam­­­tamasyz etý árbir aza­mat­­tyń ómir súrý sapasyn art­tyrýǵa baǵyttalǵan áleý­met­tik saıa­sattyń basty ba­sym­dyǵy ekenin atap ótken bolatyn. Qoljetimdi baspana – halyqtyń ál-aýqatyn jaqsartýdyń negizi. Memleket osyǵan baılanysty turǵyn úıge qol jetkizý múmkindigin arttyrý úshin birqatar baǵ­darlamany iske asyra bas­tady, elimizde turǵyn úı qurylysy qarqyndy túrde júrip jatyr. Bul másele biz­diń nazarymyzda bolady», dedi N.Beknazarov.

Senator «A-2 Qorǵas – Al­maty – Shymkent – О́zbekstan Respýb­lıkasynyń shekarasy» avtomobıl jolyn qaıta jańǵyrtý jónindegi qurylys jumystarynyń barysymen tanysty. Sondaı-aq júk mashınalaryn qala syrtymen júrgizý úshin aınalma joldyń mańyzyna toqtaldy jáne qarjyny tıimdi jumsaý men qurylys sapasyn jaqsartý qajettigin atap ótti.