Kásiporyn 2009 jyly qurylǵan. Naryqta 15 jyl boıy sátti jumys istep kele jatyr. Temirdi, qajet materıaldy alpaýyt «Qarmet» kompanııasynan alady. Al qańyltyrdy «MetallSbyttan», jol belgisiniń betine jaryq shaǵylystyratyn taspany Germanııadan jetki-
zedi.
– «О́rnek NS» óndiristik kompanııasy tek ónim shyǵaryp qana qoımaıdy, sonymen qatar ony ornatyp berý qyzmetin de usynady. Oblys aýmaǵynan syrtqa shyǵamyz dedik qoı. Eń uzaq istegen tapsyrysymyz Qordaı aýdany men Túrkistan oblysynda boldy. Olardyń tapsyrys bergen jol belgileri kóp edi. Solardy jetkizip, ornatý boıynsha kómek kórsettik, – deıdi kásiporynnyń bas mamany Jansaıa Bekenqyzy.
Kompanııa jol boıyndaǵy belgilerden bólek, ózen, kól jaǵalaýyndaǵy eskertý taqtalaryn, temirjoldaǵy belgilerdi de shyǵarady. Máselen, «Qazaqmys» kompanııasy qaýipsizdik erejeleri jazylǵan birneshe taqtaǵa tapsyrys bergen.
О́ndiris ornynyń básekelesteri naryqta joqqa tán. Bolǵan kúnniń ózinde de kásiporynnyń sapaly qyzmeti kóp tutynýshynyń kóńilin baýrap otyr. Tapsyrysty der ýaqytynda oryndaıtyny, sapaly ári tózimdi metaldardy paıdalanatyny osyǵan sebep.
Kásiporyn jol jóndeıtin koreı fırmasymen, Balqash-Qaraǵandy tasjolyndaǵy merdigerler – qytaılyq «CITIC Construction Co., LTD» uıymymen, túrikterdiń «SINE MIDAS STROY» mekemesimen tyǵyz baılanys ornatqan.
– Osy kásiporyn ashylǵaly, ıaǵnı 2009 jyldan bastap osynda temir kesýshi bolyp eńbek etip kelemin. Temir kesetin, basqa da qajetti stanoktardy alyp kelýge de atsalystym. Gelıatınamen temir shabamyz, al myna qurylǵymen dóńgelek belgilerdi ázirleımiz. Jumysqa qajetti stanoktyń bári bar. Tapsyrys kóp tússe kúnine eki júz belgige deıin daıyndaımyz, – deıdi kásiporynnyń eńbekkeri Syrym Ibadıldın.
Stanoktyń tilin ábden meńgerip alǵan Syrym ujymyna syıly. Bilgenin jastarmen bólisedi, temirmen jumys isteýdiń qyr-syryn úıretedi. Máselen, Baqtııar Sultanbekov ol kisini ustazy sanaıdy.
– О́ndiris salasyndaǵy eńbekke de ustaz kerek. Syrym aǵamyzdy naǵyz ustaz der edik. Bul kisi mundaǵy stanoktardy sonaý 2009 jyldary Chelıabiden ákelip, ornatyp, iske qosty. Búginde bilgenin, túıgenin bizge úıretedi. Qazir men de birshama tóselip aldym. Kompanııada ári dánekerleýshimin, – deıdi Baqtııar.
Kásiporynnyń ónimine tapsyrys kóp. Onyń ústine qazir qalada jol jóndeý jumystary qarqyndy júrip jatyr. Soǵan baılanysty qyzmetkerlerdiń de bir ýaq tynystap otyrýyna da ýaqyt tapshy.
Qaraǵandy oblysy
