Foto:Ashyq derekkóz
Aıta keteıik, bir jyl ishinde elimizde aýaǵa 2,2 mıllıon tonna lastaýshy zattar shyǵarylǵan.
2023 jyly Qazaqstanda barlyq lastaýshy kózderden túziletin shyǵaryndylardyń jalpy kólemi 32,3 mln tonnany quraǵan. Sol kezde elimizde dál osy zattardy aýaǵa shyǵaratyn 259,7 myń kásiporyn jumys istegen.
«Aýlaý jáne zalalsyzdandyrýdan keıin aýaǵa lastaýshy zattardyń shyǵaryndylarynyń kólemi 2,2 mln tonnany qurady, bul 2022 jylmen salystyrǵanda 2,5%-ǵa az. Atap óteıik, shyǵaryndylardyń 88 paıyzynyń kózi ónerkásip sektory boldy», dep habarlady Ulttyq statıstıka bıýrosy.
Eń lastanǵan óńirler Pavlodar (649,2 myń tonna), Qaraǵandy (454,9 myń tonna), Atyraý (140 myń tonna), Qostanaı (118 myń tonna) jáne Aqtóbe oblystary (112 myń tonna) boldy.
Aýaǵa bólinetin barlyq lastaýshy zattardyń 80,7%-y gaz jáne suıyq zattar, 19,3%-y qatty zattar ekeni belgili boldy.
