5 tonna qoqys shyǵaryldy

Ekologııalyq aksııa Baı­qońyr aýdanynda, Qoıandy sý qoımasynyń aýmaǵynda ótti. Buǵan 100-den asa adam qatysty.

– «Astana – tazalyq pen tártiptiń úlgisi» aksııasy Baıqońyr aýdanynda belsendi júr­gizilip jatyr. Aksııaǵa PIB ákimshilik ǵımarattar dıreksııasynyń qyzmetker­leri, eńbek ujymdary, jas­tar jáne aýdan turǵyndary qatysty», dedi Baıqońyr aýdany ákimi appa­ra­ty abattandyrý bóliminiń bas mamany Aıbek Ashýov.

Atalǵan is-shara qoqysty jınaýmen ǵana shektelmeı, turǵyndardyń ekologııalyq mádenıetin qalyptastyrýǵa, oń ádetterge daǵdylanýǵa septigin tıgizedi. Osy aksııa barysynda aýdan aýmaǵynan 5 tonna qoqys shyǵaryldy. Tazalaýǵa 5 túrli arnaıy tehnıka jumyldyryldy.

– «Taza Qazaqstan» ekolo­gııa­lyq aksııasy aıasynda biz Qoıan­dy sý qoımasynyń aýmaǵyn­da sen­bilik ótkizdik. Is-shara atal­ǵan nysannyń mańaıyn tazartýǵa, abattandyrýǵa yqpal etip, aınalasy ájeptáýir jarqyrap qaldy. Taza jáne uqypty aýmaqtar – sanıtarlyq jaǵdaıdyń kórsetkishi. Bul turǵyndardyń densaýlyǵyna da oń áser etedi, – dedi sý nysandary jáne qaldyqtar bóliminiń mamany Ásel Sapbaeva.

Aýqymdy ekoaksııa aıasynda qalany udaıy uqypty ustaý, nóser jáne aryq kárizderin tazartý, kóshelerdi, trotýarlardy, oramishilik aýmaqtar­dy, qoǵamdyq oryndar men aýla­lardy tazalaý jumystary jalǵasa beredi. Sondaı-aq jasyl jelekterdi kútip ustaý jáne otyrǵyzý, saýda nysandaryna irgeles aýmaqtardy jınaý, kógaldar men gúlzarlar­dy ornatý sharýa­lary da toqtamaıdy.