Foto: gov.kz
2024 jyldyń birinshi jartyjyldyǵynda Qazaqstannyń memlekettik bıýdjetine 8,9 trln teńge tústi. Sonymen birge Qarjy mınıstrligi jeke tulǵalardyń bankrottyǵy men tólem qabiletin qalpyna keltirýdiń zamanaýı ınstıtýtyn qurý boıynsha belsendi jumys istedi. Jańa zańdy engizýdiń nátıjesinde 43 mlrd teńge somasyna bereshegi bar 13 myńnan astam azamat bankrot dep tanyldy.
2024 jylǵy 1 qańtardan bastap jeke tulǵalardy jalpyǵa birdeı deklarasııalaýdyń úshinshi kezeńi sheńberinde 1 mln-nan astam esep kelip tústi, onyń barysynda bıznes-qurylymdar «kirý» deklarasııasyn tapsyrady. Sondaı-aq eksporttyq-ımporttyq operasııalar boıynsha valıýtalyq baqylaý fýnksııasynyń bir bóligi Memlekettik kirister komıtetine berildi. Birinshi jartyjyldyqta oryndalmaǵan mindettemeler máselelerin odan ári tergeý úshin quqyq qorǵaý organdaryna $3,3 mlrd somasyna 335 materıal berildi.
