Sapasy óte joǵary, assortımentke baı, kólemi 250 mıllılıtrden bastalyp 3 lıtrge deıingi, san alýan pishindegi, negizinen tamaq ónerkásibine arnalǵan shyny ydystar shyǵaratyn bul kompanııa 2011 jyly quryldy. Zaýytta shyny balqytatyn 2 pesh, shynyǵa ártúrli qalyp beretin 4 óndiristik jeli bar. Sonymen birge kásiporynda óndiriletin shyny ydystardyń fızıkalyq, hımııalyq qasıetin baqylap otyratyn zerthana jumys isteıdi. О́ndiris ornynda nemistiń shynyǵa qalyp beretin «Neýe» apparaty ornatylǵan.
Onyń NNPB qyzmeti salmaǵy jep-jeńil biraq myqty shyny ydystar shyǵarýǵa múmkindik beredi. Shyny buıym názikteý keledi. О́ndiriste, tasymaldaý barysynda abaısyzdyq saldarynan erneýinde jaryq nemese ketik paıda bolýy múmkin. Adam qolymen teksergende de biri baıqalyp, biri baıqalmaı qalady. Sondaı olqylyqtyń aldyn alý úshin kásiporyn daıyn ónimderdi avtomatty túrde skanerlep tekseretin qondyrǵyny iske qosty.
Kásiporyn basshysy Rýstam Sýhovtyń aıtýynsha, jyldyq qýattylyq shamamen 200 mln buıymdy quraıdy. Kompanııa «Ecoqolday» ekologııalyq baǵdarlamanyń qatysýshysy bolǵandyqtan, paıdalanylǵan ónimdi qaıta óńdep, qaldyqsyz taýar shyǵarady. Osylaısha, tabıǵattyń tazalyǵyna eleýli úles qosyp otyr.
Zaýyt aǵarǵan men shyrynǵa, túrli alkogoldi ishimdikterge arnalǵan bótelke men konservileýge qajetti bankiler óndiredi. Kásiporyn ishki naryqty joǵary sapaly shyny ydystarymen qamtamasyz etedi. «Amıran», «Globus plus», «Carsberg Kazakhstan», «Dıonıs», «Golden food», «Raýan» sııaqty kompanııalar «EvroKrıstalldyń» turaqty tutynýshysyna aınalǵan. Sondaı-aq seriktestik óz ónimderin Qyrǵyzstan, О́zbekstan, Reseı, Lıtva, Polsha memleketterine eksporttaıdy.
Kásiporynnyń alǵa qoıǵan jospary da aýqymdy: ol – birinshi kezekte №2 shyny balqytý peshin jańǵyrtýdan ótkizý. Sol arqyly óndiris qýaty artady, ónim sapasy jaqsarady, tabıǵı gazdy tutyný kólemi azaıady, shıkizatqa muqtajdyq tómendeıdi, eń bastysy, fransýzdyq «Tiama» kompanııasynyń zamanaýı qondyrǵysyn satyp alýmen ónim sapasyn baqylaý kúsheıedi.
«№2 shyny balqytý peshin jańǵyrtýǵa qajetti qarajatty «Halyk Bank» bólip otyr. Sondaı-aq «Damý» kásipkerlikti damytý qory» memlekettik baǵdarlama aıasynda alǵan nesıe ústemeaqysynyń bir bóligin sýbsıdııalaýǵa kómek bermek. Kásiporynda 500-ge tarta adam eńbek etedi. Jumysshylar ystyq tamaqpen qamtamasyz etilgen, tegin tasymaldaý qarastyrylǵan, barlyq qyzmetker medısınalyq saqtandyrylǵan. Uıaly baılanys shyǵynyn da kásiporyn ózi óteıdi. Odan bólek, jumysshylarǵa materıaldyq kómekter kórsetilip turady. Al eńbek ozattaryna syıaqy tólenedi. Kadr biliktiligin arttyrý úshin arnaıy kýrstar men oqýlar uıymdastyrylady», deıdi seriktestik basshysy R.Sýhov.
Kásiporyn basshysynyń málimdeýinshe, elimizde bul salany órkendetý úshin joǵary jáne arnaýly oqý oryndarynda shyny ónerkásibi mamandaryn daıarlaıtyn kafedralar ashý qajet. Sebebi kadr tapshylyǵy óndiris oryndarynda úlken másele týǵyzady. Keıde sonyń saldarynan zaýyt, fabrıkalar mamandardy shetelden jaldaýǵa májbúr bolady. Sonymen qatar ol otyn túrinen tek gaz paıdalanatyn kásiporyndar úshin onyń tarıfin sál de bolsa tómendetse degen tilegin jetkizdi. «Kógildir otyn» baǵasynyń arzandaýy tikeleı ónimniń ózindik qunynyń tómendeýine alyp keledi.
«EvroKrıstall» JShS ótken jyly 174,4 mln dana ydys shyǵaryp, 7,134 mlrd teńgeniń ónimin óndirdi. Zaýyt eńbekkerleriniń ortasha aılyq jalaqysy byltyrǵy málimet boıynsha 466 myń teńgeni qurady.
ShYMKENT
