– Aldymen qos baǵdarlamanyń ózindik ereksheligine toqtalaıyq. «Otaý» baǵdarlamasynda nesıe lımıti Astana men Almaty qalalarynda – 30 mln, óńirler men monoqalalarda – 18 mln teńge. Oblys ortalyqtarynan bólek, biz aıtyp otyrǵan monoqalalar «Otbasy banktiń» nesıeleý aýmaǵyna kirse ǵana sol jerdiń turǵyndary baǵdarlamaǵa qatysa alady. Al «Naýryz» baǵdarlamasynda Astana men Almatydaǵy lımıt 36 mln bolsa, banktiń nesıeleý aýmaǵyna kiretin ózge qalalar men eldi mekender úshin 30 mln teńge dep kórsetilgen.
«Otaý» baǵdarlamasymen nesıe somasynyń 30%-yn, al «Naýryz» baǵdarlamasymen 20%-yn jóndeý jumysyna alýǵa bolady dep kórsetilgen. «Otaýda» munyń paıyzdyq ústemesi 9% bolady, sebebi ekeýi bir zaım retinde qarastyrylǵan. Demek bólek rásimdeýdiń qajeti joq. «Naýryz» baǵdarlamasyna qatysýshylar úshin de paıyzdyq ústemesi 9% bolady, biraq óz shartynda kórsetilgendeı áleýmettik osal top sanatyna jatatyn azamattarǵa ıpoteka men jóndeý jumystary 7% dep qarastyrylyp otyr.
Aıta ketetin bir nárse, satyp alynatyn úıdiń baǵalaý somasy shyqqannan keıin ǵana naqty jóndeýge qajetti soma beriledi. Durysy, siz jóndeýge dep nesıe somasyn 100% alasyz dep aıtýǵa bolmaıdy. Naqty aıtsaq, siz bankke kelip belgili bir somaǵa óz tólem qabilettiligińizdi rastaısyz. Mysaly, Almaty ne Astana qalasynan 36 mln teńgege tólem qabileti rastaldy delik. Odan keıin banktiń arnaıy platformasy – «Baspana market» portalynda úıdi taýyp, brondap qoıdyńyz. Úı daıyn tursa, baǵalaý júrgiziledi. Al daıyn bolmasa «Otbasy bankpen» kelisimshart jasasqan, sol qurylysty júrgizip jatqan kompanııadan páter baǵasy kórsetilgen arnaıy paraqty alady. Bul jerde bank negizdegen ózindik formýla bar. Soǵan sáıkes bolashaq páterdi jóndeýge qansha qarajat ketetinin belgili bir koeffısıentpen anyqtaýǵa bolady. Demek sizde «36 mln teńgege bankten maquldaý aldym, osynyń ishinde 30 mln teńgesine baspana alamyn, al qalǵan 6 mln teńgesin jóndeýge jumsaımyn» degen sóz bolmaýǵa tıis. Iаǵnı úıge de, onyń jóndeý jumysyna da qansha qarjy ketetinin bank sheshedi, bul jumys sonyń quzyretine jatady.
Bul jerde jóndeýge deıin jáne jóndeýden bir jyldan soń smetalyq qujattar, fotomaterıaldar bankke esep retinde tapsyrylady.
