Foto: Týrızm jəne sport mınıstrligi
Islam Baıramýkov 1971 jyly 12 maýsymda Jambyl oblysy Turar Rysqulov aýdany Kamenka aýylynda dúnıege kelgen.
Eske sala keteıik, Islam Baıramýkov erkin kúresten Sıdneı Olımpıadasynyń kúmis júldegeri, sondaı-aq eki dúrkin Azııa kýboginiń ıegeri.
2000 jyly Azııa chempıony, eki márte Shyǵys Azııa oıyndarynyń chempıony, birneshe dúrkin el chempıony atanǵan.
Jumys tájirıbesi:
- 1986 jyldan 1989 jylǵa deıin Qajymuqan Muńaıtpasuly atyndaǵy Almaty olımpıadalyq rezerv ýchılıshesinde sport jattyqtyrýshysy;
- 1989 jyldan 1993 jylǵa deıin Qazaq memlekettik dene shynyqtyrý ınstıtýty. Sport jattyqtyrýshysy-oqytýshy;
- 1993 jyldan 2004 jylǵy deıin erkin kúresten Qazaqstan Respýblıkasynyń shtattyq qurama sportshysy;
- 2007 jyldan 2009 jylǵa deıin erkin kúresten Qazaqstan quramasynyń aǵa jattyqtyrýshysy;
Qoǵamdyq qyzmeti: 2000 jyldan bastap qazirgi ýaqytqa deıin Qazaqstan halqy Assambleıasynyń quramynda. QR qarashaı jáne balqar qaýymdastyǵy tóraǵasynyń orynbasary. Qazaqstan halqy Assambleıasy janyndaǵy Jastar qanatynyń tóraǵasy.
Qazaqstan Respýblıkasynyń eńbek sińirgen sport sheberi, 2000 jyly «Parasat» ordenimen marapattalǵan, «QR Táýelsizdigine 10 jyl» medaliniń ıegeri.
