Foto: primeminister.kz
«О́zbekstan 2023 jyldyń qorytyndysy boıynsha 7-shi orynda turǵan Qazaqstannyń iri saýda seriktesiniń biri. Qazaqstannyń Ortalyq Azııa elderimen jalpy saýda aınalymynyń 57%-dan astamy О́zbekstanǵa tıesili. Sońǵy 5 jylda ekijaqty taýar aınalymy 29%-ǵa ósip, 2022 jyly $5 mlrd kólemine jetti. Bizge saýdadaǵy máselelerdi júıeli sheshý jáne saýda aınalymynyń jańa ósý núktelerin tabý qajet, osylaısha memleketterimizdiń basshylary qoıǵan maqsat – orta merzimdi kezeńde $10 mlrd-qa qol jetkizýge talpynýymyz kerek», dedi Serik Jumanǵarın.
О́zbekstan Premer-mınıstriniń orynbasary Djamshıd Hodjaev mundaı is-sharalar ekijaqty yntymaqtastyqty nyǵaıtýǵa qýatty serpin beretinin tilge tıek etti. Ol Qazaqstan О́zbekstannyń negizgi ekonomıkalyq seriktesteriniń biri ekenin atap ótti.
«Álemdik qaýymdastyq bizdiń óńirlerge birtutas naryq prızmasy arqyly qaraıdy. Sizderdi iri jahandyq brendterdi tıimdi tartý úshin kúsh-jigerimizdi biriktirýge shaqyramyn», dedi ol.
Eki el arasynda ónerkásiptik kooperasııa belsendi túrde damyp keledi, bul $3,1 mlrd somasyna 69 joba, 14,7 myńnan astam jumys ornyn qurýdy kózdeıdi. Qazirdiń ózinde $217 mln somasyna 12 birlesken joba sátti júzege asyryldy, bul turmystyq tehnıka, júk jáne jeńil avtokólikter, traktorlar óndirisi. Belsendi fazada $178 mln astam somaǵa úsh ınvestısııalyq jobany iske asyrý júrgizilýde. Olardyń qatarynda Taraz qalasyndaǵy qýaty 500 myń tonna bolat ónimin shyǵaratyn elektr metallýrgııalyq zaýyt pen Shymkent qalasynda ınfýzııalyq eritindilerdi óndirý bar.
О́zbekstan Qazaqstanǵa jemis-kókónis ónimderiniń negizgi jetkizýshisi sanalady. Áleýmettik mańyzy bar agroónerkásiptik ónimderdi О́zbekstannan jetkizýdi damytý úshin tez buzylatyn taýarlardy tasymaldaý kezinde «UZKAZTRADE» birlesken kásipornyna qozǵalys basymdyǵyn berý múmkindigi qarastyrylady.
«Qazaqstan – О́zbekstan» bıznes forýmyna eki eldiń ulttyq kompanııalarynyń, isker toptary men memlekettik organdarynyń 450-den astam ókili qatysyp jatyr.
