Onda halyqtyń barlyq toptaryna mádenı sharalarǵa qol jetkizý múmkindigin qamtamasyz etý, mádenıet salasyndaǵy halyqaralyq yntymaqtastyqty damytý jáne shyǵarmashylyq jastarǵa jaǵdaı jasaý máselelerin ujymmen birge talqylady. Senator túrli qoǵamdyq sharalar, konferensııalar, festıvalder men konserttik qoıylymdar, sondaı-aq mýltımedııalyq jabdyqtar ótkizýge arnalǵan Kongress-holldyń múmkindikterin saralady.
Keshende sonymen qatar qolónershiler ortalyǵy men sheberhana, sondaı-aq daıyn buıymdarǵa arnalǵan kórme alańy, qolóner tarıhymen tanysýǵa arnalǵan mýltımedııalyq kabınet jáne qazaqtyń ulttyq bıi men mýzykalyq qoıylymdarǵa arnalǵan úlken zaldar jumys isteıdi.
«Mádenı nysannyń qurylysy Prezıdenttiń tapsyrmasy boıynsha respýblıkalyq bıýdjet qarjysy esebinen bastalǵan bolatyn. Shymkent birtindep halyqaralyq deńgeıde tanymal qalalardyń birine aınalyp keledi. Qalanyń mádenı ómirine eleýli serpin beretin, onyń ınvestısııalyq tartymdylyǵyn arttyratyn, týrızmniń damýyna oń áser etetin jáne Shymkentte kásibı ártisterdiń kóbeıýine keń múmkindik ashatyn osyndaı zamanaýı jáne aýqymdy keshen qalaǵa qajet bolyp otyr», dedi A.Qapbarova.
