Atap aıtsaq, elimizdegi ındýstrııa salalaryn qazirgi zaman talaptaryna saı ilgeri damytýdyń qadamdary, sý, jer qatynastaryn retteý, ınfraqurylymdyq qaýipsizdik máselesi, eń bastysy, el qaýipsizdigin jańasha baǵalaý, soǵan qajetti naqty sharalar qabyldaý reti aıqyndaldy. «Progressıvti ult bolý úshin Qazaqstan barlyq azamattardyń dúnıetanymyn ózgertip, qoǵamdyq sanada jańa qundylyqtardy sińirýi kerek», dep málimdedi Prezıdent.
Memleket basshysy usynǵan bastamalar óte aýqymdy ári júrgizilip jatqan reformalardyń qısyndy jalǵasy bolyp eseptelinedi. Al olardyń negizgi maqsaty – qýatty jáne órkendegen memleket qurý. Qazaqstannyń ekonomıkalyq damýynyń jańa paradıgmasy elimizdiń básekelik artyqshylyqtaryn tıimdi paıdalanýǵa jáne óndiris salasyndaǵy eńbek, kapıtal, resýrstar, tehnologııa sııaqty negizgi faktorlardyń áleýetin barynsha ashýǵa negizdeledi. Osylaısha, el ekonomıkasynyń basym sektorlaryn damytýǵa den qoıylýy kerek.
Iаǵnı Qazaqstandy Eýrazııanyń negizgi tranzıttik habtarynyń birine aınaldyrý úshin túbegeıli qadamdar jasaý qajet. Sonyń biri – Qytaıdyń syrtqy saıasattaǵy sony jetistigi «Bir beldeý, bir jol» jahandyq bastamasy aıasynda iske asyrylyp jatqan kólik-logıstıkalyq ortalyqtardy qolǵa alý máselesi. Sondaı-aq Memleket basshysy Úkimet eldi mekenderdi gazdandyrý deńgeıin edáýir arttyryp, keminde 1700 shaqyrym jelini jańǵyrtý qajet ekenin aıtty. Elimizdiń jol jelisin salý jáne qaıta qurý ekonomıkanyń damýyna qýatty serpin beretindigi, kem degende 12 myń shaqyrym avtomobıl joldaryn jumyspen qamtý máselesi qadap aıtyldy. Nátıjesinde, eldi mekenderdiń kóliktik qoljetimdiligi aıtarlyqtaı jaqsarady. Adamdardyń iskerlik belsendiligi men áleýmettik utqyrlyǵy arta túsedi.
Eldiń negizgi qozǵaýshy kúshi – ıdeıalar men ınnovasııalar. Biz qoǵamnyń postındýstrıaldy modeline birtindep jaqyndap kele jatyrmyz. Ozyq tehnologııalarǵa negizdelgen bilim ekonomıkasyn qurý kerek. Qazaqstan jappaı sıfrlandyrý jáne jasandy ıntellektti jedel damytý aýmaǵyna aınalýǵa tıis. Bul – bizdiń strategııalyq mindetimiz.
Tehnologııa jaqyn arada álemdi túbegeıli ózgertedi. Biz zamanaýı sıfrlyq kóshpeliler órkenıetiniń progressıvti standarttaryna saı bolýymyz qajet. Bul salada jastardyń áleýeti, mentalıteti men talanty «qazaqstandyq serpiliske» naqty múmkindigimiz bar ekenin kórsetip otyr.
Jahandaný úrdisi qarqyn alǵan zamanda joǵary bilim berý men ǵylym salasyndaǵy damýdyń ınnovasııalyq baǵyttary óz jemisin beredi. Mine, osyǵan oraı ǵylym jáne joǵary bilim salasy tarapynan aıqyndalǵan mindetterdi iske asyrý jolynda barlyq áleýetti jumyldyrý sapaly kadrlar daıarlaýdyń negizi bolatyny aıqyn. Iаǵnı «Bizdiń negizgi mıssııamyz – elimiz úshin bilikti, básekege qabiletti jáne talantty jas mamandardy daıarlaý».
Intellektýaldy ult qalyptastyrý eldiń damýyna úlken ózgerister ákeletini belgili. Ádiletti Qazaqstannyń jańa turpatty jastaryn otanshyl, bilimpaz, eńbekqor, tártipti, adal, ádil etip tárbıelesek, elimiz óziniń maqsat-muratyna jyldam qol jetkizedi. Sanaly ult qalyptastyrý eldiń damýyna úlken ózgeris ákeledi. Sondyqtan jastar tárbıesine qatty kóńil bólýimiz kerek. Quryltaıda árbir azamatymyz, ásirese jastar, eń jaqsy qasıetterdi boıyna sińirýi qajettigi basa aıtyldy.
Jappar JUMAN,
ekonomıka ǵylymdarynyń doktory, professor
