Is-sharaǵa Qazaqstan Respýblıkasynyń Mádenıet jáne aqparat vıse-mınıstri Qanat Ysqaqov, Tájikstan Respýblıkasynyń televızııa jáne radıohabar taratylymy jónindegi memlekettik komıtetiniń tóraǵasy Nýrıddın Saıd, О́zbekstan Respýblıkasy Aqparat jáne buqaralyq kommýnıkasııalar agenttigi dırektorynyń birinshi orynbasary Dılshod Saıdjanov, Túrikmenstan Respýblıkasynyń televızııa, radıo jáne kınematografııa jónindegi memlekettik komıteti tóraǵasynyń orynbasary Annasahet Kakaev, Qyrǵyz Respýblıkasy Mádenıet, aqparat, sport jáne jastar saıasaty mınıstrliginiń halyqaralyq baılanystar jáne ınvestısııalardy tartý basqarmasynyń basshysy Nýsýbaly Jakypbekov qatysty.
Kezdesý barysynda elder ókilderi medıa saýattylyqty arttyrý jáne jalǵan aqparattyń taralýyna qarsy kúres sharalaryn talqylady. Medıa saladaǵy jahandyq syn-qaterlerge qarsy turý úshin birlesken kúsh-jigerdiń mańyzdylyǵyn atap ótti.
– Aqparat keńistigindegi qaýipsizdik máselesi tek Qazaqstanmen shektelip qana qoımaıdy. Oǵan Ortalyq Azııa elderi teńdeı úles qosýy kerek. Bul – bárimizge ortaq is. Biryńǵaı júıe qursaq ta artyq etpes. Osyǵan oraı sizdermen tájirıbe almasyp, qoıan-qoltyq jumys isteýge ázirmiz. Bizdiń ortaq múddemiz – mass-medıa salasynda úndestik tapqanda ǵana syn-qaterlerge tótep bere alamyz, – dedi Mádenıet jáne aqparat vıse-mınıstri Qanat Ysqaqov.
Talqylaý barysynda taraptar Ortalyq Azııa telearnasy men óńirlik medıa-platforma qurý múmkindigin qarastyrýǵa kelisti. Feıkpen kúres jumysynda birikken jospar qurý máselesi de sóz boldy. Aqparat salasyndaǵy ýákiletti organdardyń ókilderi óz elderiniń medıa saladaǵy ıntegrasııalyq úderisterge belsendi qatysýǵa daıyn ekenderin tanytty.
Jıyn qorytyndysynda taraptar Ortalyq Azııa elderiniń jalpy óńirlik medıa qurylymdardy qurý men damytýdaǵy birlesken kúsh-jigeri óńir elderi arasyndaǵy dostyq pen yntymaqtastyqty nyǵaıtýǵa eleýli úles bolatynyna senim bildirdi.
