Jol jıegi tazalandy

Naqtylap aıta ketsek, Kóksý, Eskeldi aýdandary men Tal­dyqorǵan qalasy ara­lyǵyndaǵy uzyndyǵy 69,5 sha­qyrym bolatyn «Almaty – О́skemen» respýblıkalyq tasjolynyń boıynda abattandyrý jáne sanıtarlyq tazalaý jumystary júrgizildi. Is-sharaǵa 150 adam, 21 tehnıka jumyldyryldy. 84 tonna qoqys shyǵarylyp, 5 shaqyrym qorshaý syrlandy, 4,5 shaqyrym aryq jelileri tazalanyp, qýraǵan aǵashtar men shóp shabyldy.

Buǵan qosa oblysta ǵı­marattardyń syrtqy kelbetin jaqsartý, balalar, sport alańdaryn salý, aýmaqtardy kógaldandyrý, eldi meken­der­di abattandyrý baǵytynda is-sharalar ótkizilip jatyr. Bıyl oblystyń aýdandary men qalalaryn abattandyrý úshin jergilikti bıýdjetten 5,5 mlrd teńge bólindi. Sonyń nátıjesinde 122 aýla abattan­dyrylady, 117 balalar jáne sport alańdary salynady, 44 kóp qabatty turǵyn úıdiń shatyr­lary men qasbetteri jóndeledi, 24,1 km aryq jeli­leri abattandyrylady. Sony­men qatar 8 saıabaqqa aǵymdaǵy jóndeý júrgizilip, 115 myń aǵash kósheti otyrǵyzylady, sonyń ­59 myńy egildi, qalǵan 56 myńy kúzgi kezeńde otyrǵyzylady. Osy is-sharalardyń bári óńir­diń tazalyǵyn saqtap, kelbetin kórkeıtýge úlken yqpal etip otyr.

Eske salsaq, Jetisý oblysyn­da sáýir aıynan beri «Taza Qa­zaq­stan» respýblıkalyq eko­lo­gııalyq aksııasyna jalpy sany 163 myńnan asa adam atsalys­ty. Sonyń nátıjesinde óńirde 29 514 túp kóshet otyrǵyzyldy, tazartý is-sharasyna 1 220 tehnıka jumyldyrylyp, 6 369 tonna qoqys shyǵaryldy, 2 226 km aryq tazalanyp, 25 826 shar­shy metr avtomobıl joly­na aǵymdaǵy jóndeý jumystary júrgizildi.

Odan bólek sý tasqynyn boldyrmaý jáne qaýipsizdikti qamtamasyz etý úshin Qaratal ózeniniń arnasyn túzetý jumystary toqtamaı tur. Qalalyq shuǵyl den qoıý ja­saǵynyń quramyna kiretin Tal­dyqorǵan qalasynyń iri ká­siporyndary ózen arnasyna mehanıkalandyrylǵan tazartý jáne túzetý jumystaryna kó­mek kórsetip jatyr.

Mamandar ózen arnasynyń turǵyn úıler men áleýmettik nysandar turǵan shamamen 2 sha­qyrymyn tazartýdy jos­par­lady. Qazir oblystyq pe­rınataldyq ortalyqtan Jan­súgirov kóshesindegi kópirge jáne kirme joldarǵa deıin túzetý jumystary júrgizilip jatyr. Aldaǵy ýaqytta osyndaı jumystar Nazarbaev dańǵyly men Jansúgirov kóshesiniń kó­pirleri arasynda atqarylady. Bul is-sharalarǵa qajetti tehnıka – 3 ekskavator, býldozer, tıegish, eki júk mashınasy tartyldy. Jumystar 15 qazanǵa deıin jalǵasady.

Jetisý oblysy