Memleket basshysynyń Ulttyq quryltaıdaǵy jáne Joldaýyndaǵy tapsyrmalary men reformalaryn oryndaý aıasynda Mádenıet jáne aqparat mınıstrligi mádenıet, aqparat jáne kommýnıkasııa salalaryn damytý maqsatynda irgeli bastamalardy iske asyryp keledi. Aqparat salasyn damytý – memlekettik saıasattyń mańyzdy basymdyǵy ári asa mańyzdy is. 2024 jyldyń birinshi jartysynda «Mass-medıa týraly» zańdy qabyldaý barysynda biraz jumys atqaryldy. Zań jobasy táýelsiz elimizdiń tarıhyndaǵy eń kóp talqylanǵan qujattyń birine aınaldy. Nátıjesinde, bıyl 19 maýsymda Prezıdent Qasym-Jomart Toqaev medıakeńistiktegi jańa úrdisterdi eskere otyryp memleket pen qoǵamnyń múddesin qorǵaýǵa arnalǵan «Mass-medıa týraly» zańǵa qol qoıdy.
Otandyq telearnalardyń taralý aýqymyn el aýmaǵymen shektemeı, halyqaralyq deńgeıde arttyrý – basym baǵyt. Bul turǵyda aıtarlyqtaı nátıje bar. Aıtalyq, «Silk Way» arnasy qazirdiń ózinde 118 elde kórsetiledi jáne AQSh, Eýropa jáne Azııadaǵy kabeldik operatorlarǵa qosylǵan. Al «Habar 24», «Qazaqstan International» jáne «Balapan International» telearnalary Reseı, Qyrǵyzstan, О́zbekstan basqa da elderde habar taratady.
Mýzeı isin damytý jáne teatr ónerin nasıhattaý jumystary belsendi túrde atqarylyp jatyr. Leonardo da Vınchıdiń «Ádemi hanshaıym» kartınasynyń ımmersıvti kórmesi jarqyn oqıǵaǵa aınalyp, naǵyz sensasııa týdyrdy: ekspozısııaǵa 25 myńnan astam adam keldi. Bıyl qurylǵan shyǵarmashylyq ujymdar – «Birlik» án-bı kópultty ansambli men klassıkalyq gıtarısterdiń Memlekettik kvınteti halyqaralyq sahnalarda sátti óner kórsetip júr.
Jyl basynan beri memlekettik teatrlardyń shyǵarmashylyq ujymdary 7,5 myńǵa jýyq spektakl usyndy, oǵan 1,5 mıllıon kórermen qatysty.
Memleket basshysy Ulttyq quryltaıdyń úshinshi otyrysynda ozyq oıly ult bolýdyń eń tóte joly – kitap oqý ekenin atap ótti. Osyǵan baılanysty 23 sáýir – Ulttyq kitap kúni dep belgilendi. Kitaptar barlyq azamatqa qoljetimdi bolýǵa tıis, sondyqtan qazir elde zaǵıp jáne nashar kóretin azamattarǵa arnalǵan 17 mamandandyrylǵan kitaphana jumys isteıdi.
Elimizde sıfrlyq efırlik teleradıo habarlaryn taratýdy engizý qarqyndy damyp keledi. 580 radıotelevızııalyq stansa el halqynyń 93%-dan astamyn «sıfrlyq habarmen», al shekaralas aýdandarda «Qazaq radiosy» halyqtyń 91%-yn nemese 435 myńnan astam turǵyndy qamtyp otyr.
О́ńirlik baspasózdi jetildirmeı, aqparat salasyn ilgeri bastyrý múmkin emes. Mádenıet jáne aqparat mınıstrligi bıyl da memlekettik tapsyrys arqyly óńirlermen jumys isteýdi jáne Jýrnalıstıkany damytý qory arqyly granttar berýdi qolǵa aldy. Sondaı-aq bıyl sáýir aıynda alǵash ret óńirlik BAQ áleýetin arttyrý jáne jýrnalıstik materıaldardyń sapasyn jaqsartý boıynsha forým ótkizdi. О́ńirlik baspasóz óz ustanymyn joǵaltpaı, áleýmettik jeliler men tanymal messendjerlerdiń kómegimen sapaly damyp kele jatqanyn erekshe atap ótken jón.
Aıta ketsek, Mádenıet jáne aqparat mınıstrliginiń qyzmeti jeti strategııalyq baǵytqa negizdelgen. Atap aıtqanda, aqparat salasynan bólek, mádenıet, óner jáne ádebıet, jastar jáne otbasy, azamattyq qoǵam, din salasy, t.b. baǵyttarda jumys atqaryp jatyr.
