Kedergisiz qozǵalysqa qolaıly ǵımarattar

Máselen, Eńbek jáne áleý­met­tik qorǵaý komıtetiniń Astana qalasy boıynsha de­par­­tamenti kreslo-arbamen qozǵalatyn azamattyń ótinishi negizinde múgedektigi bar adamdar úshin qoljetimdiliktiń bolmaýy faktisi boıynsha kafe-barǵa jospardan tys tekserý júrgizdi. Tekserý qorytyndysy boıynsha kásipkerlik sýbektisi aıyppul túrinde ákimshilik jaýapkershilikke tartyldy, sondaı-aq anyqtalǵan buzýshy­lyq­tardy joıý týraly nusqama en­gizildi.

Sonymen qatar óńirlerdegi áleýmettik ınspektorlar erekshe qajettilikteri bar adamdardyń quqyǵyn qamtamasyz etý úshin áleýmettik ınfraqurylym nysandarynyń beıimdelý is-sharalaryn júrgizýde oń dınamıka baıqalatynyn alǵa tartyp otyr. Osyndaı qolaıly jaǵdaıǵa О́skemen qalasyndaǵy birinshi top múgedektigi bar balanyń anasy Marjan Sultanǵazına rızashylyǵyn bildirdi.

«Múgedektigi bar adamdar úshin barlyq qajetti jaǵdaılar jasa­lyp jatyr. Kásipkerlerdiń qaramaǵyndaǵy nysandardyń barynsha qoljetimdi bolýyn nazarynda ustaýy qýantady. Bul rette memlekettik mekemeler de shaǵymdar men usynystardy eskere otyryp, ǵımarattardy jańǵyrtýdan ótkizip jatyr. Mysaly, №1 qalalyq emhanada, «DEVAL» koreı ońaltý ortalyǵynda, «Úlbi» qalalyq aýmaqtyq halyqqa áleýmettik qyzmet kórsetý ortalyǵynda múgedektigi bar adamdar úshin tolyq jaǵdaı qarastyrylǵan. Jalpy, oblys boıynsha ınfra­qurylym nysandarynyń qol­jetimdiligi máseleleri sheshi­lip keledi deýge bolady», dedi M.Sultanǵazına.

Osy oraıda byltyr 1 shildede Áleýmettik kodeks kúshi­ne engen kezden bastap elimizde memlekettik áleýmettik qorǵaý ınspektorlarynyń ınstıtýty engizilgenin atap ótken jón. Olardyń quzyretine múgedektigi bar adamdardy áleýmettik qor­ǵaý, arnaýly áleýmettik qyz­metter kórsetý, áleýmettik qam­syzdandyrý salasyndaǵy zań­namanyń saqtalýyn baqy­laý­dy júzege asyrý kiredi.