Monoqaladaǵy mereke

Osylaısha, Qora kóshe­sin­de áleýmettik osal toptaǵy azamat­tar­ǵa 40 páterli turǵyn úı paı­dalanýǵa berildi. Byltyr ǵana qurylysy bastalǵan kópqa­bat­ty úı zaman talabyna saı jab­dyq­talǵan. Jalpy alańy 3,4 myń sharshy metrdi quraıdy. Oǵan jaýapty merdiger – «SEM Shoǵy qurylys» JShS. Quny 780,6 mln teńgeni quraıtyn baspanany aldymen úı kezeginde turǵan tolyq emes jáne kópbalaly otbasylar, jetim balalar, zeınetkerler, múmkindigi shekteýli azamattar, bıýdjettik mekeme qyzmetkerleri aldy.

«Qaladaǵy turǵyn úımen qam­ta­masyz etý máselesine toqta­latyn bolsam, kezekte turǵan­dar­dyń sany jyldan-jylǵa ózgerip turady. 2022 jyly kezekte 964 adam bolsa, 2023 jyly – 1 092 adam, bıyl 1 023 adam boldy. 2022 jyly turǵyn úı berilmedi, 2023 jyly 192 páter berildi, onyń ishinde 59 páter satyp alyndy. Turǵyn úı kezegindegi 1 023 azamattyń 449-i – áleýmettik osal toptaǵylar, 122-si – jetim balalar, 150-i – kópbalaly otbasylar, 302-si bıýdjettik sala qyzmetkerleri sanalady. Qala boıynsha barlyq qarjylandyrý kózderi esebinen 10,8 myń sharshy metr turǵyn úı qoldanysqa beriledi. Onyń ishinde 6,8 myń sharshy metri – bıýdjet esebinen», deıdi qala ákimi Almas Ádil.

Jańa turǵyn úıde 15 bir bólmeli, 5 eki bólmeli, 15 úsh bólmeli jáne 5 tórt bólmeli pá­ter bar. Aýla aýmaǵy abat­tan­dyrylǵan. Balalardyń oıyn jáne sport alańdary bar. Taǵy bir atap óterligi, kópbalaly otbasylardyń suranysyna saı turǵyn úı jobasyna tórt bólmeli 5 páter arnaıy engizildi. Úıdiń balkondaryn merdiger kompanııa óz qarajaty esebinen jaýyp berdi. Osy rette baspana qýanyshyna bólengender arasynda qala turǵyny Qanıpa Osanova áserimen bólisti.

«Baspanaly bolý – ár azamat­tyń armany. Biz de osy sátti kópten kúttik. Meniń balam – II toptaǵy múgedek. Búgin, mine, eki bólmeli jańa páterge ıe bolyp jatyrmyz. Bul – otbasymyz úshin úlken qýanysh. Osyndaı mereıli sátterimiz kóp bolsyn. Bizge úı syılaǵan oblys ákimdigine, osyndaǵy azamattarǵa alǵysymdy aıtamyn», dedi Q.Osanova.

Buǵan qosa halyqtyń áleý­met­tik osal toptaryn turǵyn úı­lermen qamtamasyz etý maq­sa­tynda 50 turǵyn úıdi satyp alýǵa 962,8 mln teńge qarajat bólingen. Tekeli qalasy ákimdigi, «Elite stroy ED» JShS jáne «Temir stroy Alatau» JShS arasynda jeke turǵyn úılerdiń qurylysy boıynsha memorandýmǵa qol qoıylyp, 50 jeke turǵyn úı salý kózdelgen. Atalǵan tur­ǵyn úılerdiń qurylysy 2024 jyldyń sońyna deıin aıaqtalyp, paıdalanýǵa beriledi. Sonymen qatar Ǵaryshkerler kóshesinde 40 páterli nesıelik turǵyn úıdiń jáne onyń ınjenerlik-kommýnıkasııalyq jelileriniń qurylysy júrgizilip jatyr.

Jalpy, Jetisýda 8 aýdan men 2 qala boıynsha qoldanysqa beriletin turǵyn úılerdiń jol kartasy daıyndaldy. Atalǵan kartanyń sheńberinde bıyl 349,3 myń sharshy metr turǵyn úıdi paıdalanýǵa berý josparlanǵan. Sonyń ishinde osy jyldyń qańtar-maýsym aılarynda 115,5 myń sharshy metr qoldanysqa berilgen. Bul ótken jyldyń sáıkes kezeńimen salystyrǵanda 11,3 paıyzǵa artyq. Jyl sońyna deıin qalǵan baspanalardyń qurylysy aıaqtalýy tıis.

«Búginde Tekelide 40 páterli jáne 60 páterli taǵy eki kóp­qabat­ty úı boı kóterip keledi. Buǵan qosymsha 60 otbasyǵa arnalǵan 30 jeke turǵyn úıdiń qurylysy júrip jatyr. Taǵy bir 60 páterli bir úıdiń jobalyq-smetalyq qujat­tamasy daıyndalady», deıdi A.Ádil.

Qazir monoqalada týrızmge baǵyttalǵan qurylys nysandary qarqyndy júrip tur. Sondyqtan jergilikti atymtaı jomart azamattar jerlesterine úı satyp alyp berip, memleketke qoldaý kórsetip jatyr. Osyǵan deıin ondaǵan otbasynyń baspanaly bolýyna septesken kásipkerlerdiń erligi maqtaýǵa turarlyq.

Jetisý oblysy