2023 jyly Qazaqstan men Taıland arasyndaǵy taýar aınalymy 367 mln dollarǵa jetti. Taraptar Koroldikke jetkiziletin otandyq agroónerkásip kesheni taýarlarynyń túrlerin keńeıtý múmkindigin qarastyrdy. Atap aıtqanda, Qazaqstan et, kókónis pen jemis, dándi daqyldar, un ónimderin, ósimdik maılaryn jáne basqa da AО́K ónimderin eksporttaýǵa múddeli.
«Memleket basshysynyń tapsyrmasy boıynsha biz aýyl sharýashylyǵy ónimderin saqtaý jáne dıstrıbýsııalaýdyń tıisti ınfraqurylymy bar ulttyq taýar ótkizý júıesin damytyp jatyrmyz. Bul elimizde agro azyq-túlik habyn qalyptastyrý úshin qajetti jaǵdaılar jasaýǵa múmkindik beredi. Osy máselede Qazaqstan men Taıland arasyndaǵy yntymaqtastyqty tereńdetýdiń keleshegi zor ári bul eki jaqqa da tıimdi», dedi Oljas Bektenov.
Sonymen qatar Úkimet basshysy Qazaqstan men Taılandtyń tıisti ınvestısııalyq jobalardy iske asyrýdaǵy keń múmkindikterin atap ótti.
О́z kezeginde Phamtým Vechaııachaı Taıland pen Qazaqstan arasyndaǵy saýda-ekonomıkalyq baılanystardy nyǵaıtýǵa senim bildirdi.
«Búgin ekonomıkalyq ózara is-qımyl týraly kelisimge qol qoıdyq. Bul qujat ártúrli saladaǵy, sonyń ishinde saýda, ekonomıka jáne ınvestısııalardaǵy yntymaqtastyqty keńeıtýge yqpal etedi dep sanaımyn», dedi Phamtým Vechaııachaı.
Kezdesý barysynda Taıland Úkimetiniń Qazaqstan azamattaryna vızasyz rejim usynýymen qatar, týrızm salasyndaǵy qatynastardyń oń damý dınamıkasy áńgimege arqaý boldy. Phýkette Konsýldyq pýnktiniń ashylýy Taıland aýmaǵynda júrgen Qazaqstan azamattaryna qajetti qoldaý kórsetýge múmkindik beredi.
Buǵan qosa Transkaspıı baǵytyn damytý aıasynda Qazaqstannyń tranzıttik áleýetin paıdalaný múmkindigi talqylandy. Kezdesý sońynda taraptar eki el arasyndaǵy ekonomıkalyq yntymaqtastyqty tereńdetýge nıet bildirdi.
