Jalpy, qorda otandyq taýar óndirýshilerdi qoldaý úshin birqatar jumys qolǵa alynǵan. Máselen, bıylǵy sáýir aıynda otandyq taýar óndirýshilerdi qoldaý sharalarynyń jańa paketi qabyldanǵan.
– Biz kompanııa basshylary úshin elishilik qundylyq pen jasalǵan ofteık-kelisimsharttardyń úlesi boıynsha KPI belgiledik. Sondaı-aq jetkizýshilerge otandyq ónimderdi tutyný úlesin saqtaý boıynsha monıtorıng júrgiziledi. Buǵan qosa jańa óndiristerdi qurý baǵdarlamasyna ózgerister engizdik. Dálirek aıtqanda, bul qazaqstandyq naryqta qandaı da bir ónimniń tapshylyǵy bolǵan jaǵdaıda 20 jylǵa ofteık-kelisimsharttar men ınvestısııaǵa aıyrbas retinde kelisimsharttar jasaýǵa múmkindik beredi, – dedi qor basshysy N.Jaqypov.
Qazirgi kezde qorda otandyq taýar óndirýshilerdi qoldaý baǵytynda 15-ten asa is-shara qolǵa alynǵan.
Tóraǵanyń aıtýynsha, jańa óndiristerdi ashý baǵdarlamasyna sáıkes bıylǵy qańtar-shilde aılarynda jalpy quny 107 mlrd teńge bolatyn 155 ofteık-kelisimshart jasalǵan. О́tken jylmen salystyrǵanda bul kórsetkish 7,5 esege kóp. Buǵan qosa 182 mlrd teńgege 24 joba áli de qaralyp jatyr eken. Osy aıdyń sońyna deıin bul jobalar boıynsha naqty sheshim qabyldanady.
N.Jaqypov bıyl birqatar joǵary tehnologııalyq óndiris maquldanǵanyn aıtty. Atap aıtqanda, Túrkistan oblysynda qýaty 800 myń tonna bolatyn kúkirt qyshqyly zaýytyn salý, avtomattandyrylǵan aqparattyq-ólsheý júıesi arqyly elektr energııasyn esepteý, gaz aıdaý agregatyn, gaz týrbınaly qondyrǵylar jınaǵyn óndirý sekildi óndiris oryndary bar.
Sonymen qatar qor tarapynan eńbekaqy deńgeıin kóterý, jańa jumys oryndaryn ashý jáne basqa da mindettemeler júktelgen.
Otandyq óndirýshilerden taýar satyp alý úlesin arttyrý baǵytynda jyl basynan beri quny 689,5 mlrd teńgeni quraıtyn sharttar jasaldy. Onyń ishinde 396 mlrd teńgeniń 66 uzaq merzimdi sharty bar. Osylaısha, ótken jylmen salystyrǵanda otandyq óndirýshilerden satyp alý kólemi 72%-ǵa artyp otyr.
Sonymen qatar N.Jaqypov Prezıdenttiń ekonomıkany yryqtandyrý týraly Jarlyǵyna sáıkes josparlanyp otyrǵan qordyń satyp alý tártibine engiziletin ózgeristerge toqtalyp ótti. Bul ózgerister satyp alý prosesiniń ashyqtyǵyn arttyrýdy jáne satyp alýǵa senimsiz jetkizýshilerdiń qatysýyna jol bermeýdi kózdeıdi. Iаǵnı ózgertýler satyp alýdyń barlyq kezeńin, atap aıtqanda, satyp alýdy josparlaý, jarııalaý jáne shartty oryndaýǵa deıingi aralyqtardy túgel qamtıdy. Máselen, básekege qabiletsiz satyp alýdyń úlesin azaıtý. Kúndelikti nemese apta saıynǵy qajettilikke qaraı týyndaıtyn bir kózden alý tásilindegi satyp alýdy shekteýli qatysýshylar arasynda baǵa usynystaryn suratý arqyly satyp alý ádisine aýystyrý usynyldy.
Sondaı-aq básekelesti satyp alýdy arttyrý kózdelgen. Bul kezekte satyp alý kóleminiń ulǵaıýyna baılanysty shart qunyn ulǵaıtý múmkindigine shekteýler engizý usynyldy. О́zgerister dempıngke qarsy sharalardy jetildirý, senimsiz jetkizýshilerdi satyp alý prosesinen alastatý máselelerin de qamtydy. Aınalyp kelgende, bul sharalardyń barlyǵy otandyq taýar óndirýshilerge kóp demeý bolyp, el úlesin arttyrýǵa septesedi.
