Qatysýshylar qatarynda jastar qozǵalysynyń kóshbasshylary, memlekettik qurylymdardyń ókilderi, eki memlekettiń kásipkerleri bar. Qazaqstan delegasııasyn Mádenıet jáne aqparat mınıstrligi Jastar jáne otbasy isteri komıtetiniń tóraǵasy Qaırat Qambarov bastap bardy.
«Qazaqstan men Tájikstandy ǵasyrlar boıǵy tarıh, mádenı jáne ekonomıkalyq qatynastar baılanystyrady. Degenmen elimizdiń bolashaǵy kóp jaǵdaıda jastardy qalaı qoldap, damytýymyzǵa baılanysty bolatyny belgili. О́ńirimizdegi ózgeristerdiń, jańashyldyqtyń, ilgerileýdiń qozǵaýshy kúshi – dál osy óskeleń urpaq», dep atap ótti Q.Qambarov.
Kezdesýdiń negizgi maqsaty – eki eldiń jastar uıymdary arasyndaǵy ózara is-qımyldy damytý jáne jastardyń ózekti máselelerin sheshý úshin birlesken strategııalardy ázirleý. Atap aıtqanda, forýmda volonterlik qozǵalysyn, jastar kásipkerligin damytý jáne startaptardy qoldaý tetigi talqylanyp jatyr.
Forým qorytyndysy boıynsha taraptar yntymaqtastyq týraly qararǵa qol qoıylady dep josparlanyp otyr.
