Foto: egov.kz
Mine, osy baǵytta Ǵylym jáne joǵary bilim mınıstrligi birqatar jobany qolǵa aldy. Sonyń bir dáleli – Q.Sátbaev atyndaǵy Qazaq ulttyq tehnıkalyq zertteý ýnıversıteti men D. Serikbaev atyndaǵy Shyǵys Qazaqstan tehnıkalyq ýnıversıtetiniń bazasynda sıfrlyq ýnıversıtetterdiń modeli ázirlenip, ol qanatqaqty rejiminde iske qosyldy. Sondaı-aq sıfrlyq ekonomıkaǵa beıimdelgen mamandardyń áleýetin damytý úshin «Google», «Nvidia», «Coursera», «01 Edu System» jáne «Huawei» sııaqty transulttyq kompanııalarmen yntymaqtastyq ornady. Máselen, bıyl 15 otandyq joǵary oqý orny jasandy zerde boıynsha «Google» kýrsyn engizdi. 12 000 stýdent «Generative AI» jobasyna qatysady. Sonymen qatar Abaı atyndaǵy Qazaq ulttyq pedagogıkalyq ýnıversıteti jáne Q.Jubanov atyndaǵy Aqtóbe óńirlik ýnıversıteti «Google for Education» qanatqaqty jobasyna qatysýdy kózdep otyr. Al «NVIDIA-men» yntymaqtastyqqa kelsek, «DLI» jobasyna 12 ýnıversıtet qatyssa, 12 adam «NVIDIA sertıfıkatyn aldy. Bir oqytýshy «DLI» sertıfıkatyna ıe boldy.
Yntymaqtastyqty damytý jáne oqytýdyń ınnovasııalyq tehnologııasyn qoldaný maqsatynda «Coursera», «Huawei Technologies Kazakhstan» «LLP», «Binance Kazakhstan» sııaqty ataǵy jer jarǵan kompanııalarmen kelissóz júrgizilip, memorandýmǵa qol qoıyldy. 35 joǵary oqý orny bazasynda «Huawei ICT Academy» quryldy, endi onda «Huawei» sertıfıkattalǵan kýrsy ótedi. «Binance Kazakhstan» qoldaýymen 22 joǵary oqý ornynyń aqparattyq-kommýnıýasııalyq tehnologııalar fakýltetiniń 350-ge jýyq oqytýshysy blokcheın-tehnologııa boıynsha bilimin jetildirdi. «Coursera»-nyń 102-ge jýyq kýrsy qazaq jáne orys tilderine aýdaryldy.
Bıyl 93 joǵary oqý ornynyń stýdentine 40 myń lısenzııa bólindi. Qysqasy, otandyq stýdentterge álemniń jetekshi ýnıversıtetteri men professorlarynyń 20 myńnan astam onlaın kýrsy men AI boıynsha 4 200 kýrsy qoljetimdi bolyp otyr. IT baǵytynda stýdentterdi «OpenSearch» jobasyna tartý jáne salalyq deńgeıdegi tájirıbe jınaý úshin Ǵylym jáne joǵary bilim mınıstrligi men «Amazon» kompanııasy arasynda memorandýmǵa qol qoıyldy.
Qazir atalǵan mınıstrlik «01 EduSystem» kompanııasymen ınnovasııalyq baǵdarlamalaý mektepterin ashý aıasynda ózara yntymaqtastyq boıynsha jumys júrgizý ústinde. Bul joba elimizdiń 20 óńirlik joǵary oqý ornynda iske asyrylsa, Sh.Esenov atyndaǵy Kaspıı tehnologııalar jáne ınjınırıng ýnıversıtetinde qanatqaqty joba retinde júrgiziledi. Sondaı-aq oqytýdyń jańa túri – onlaın oqý engizildi. Aıtqandaı, joǵary oqý oryndaryndaǵy sıfrlyq ekojúıe de kúsheıtildi. Barlyq ýnıversıtet «LMS» («Platonus», «Univer», «Moodle» jáne t.b.) platformasyna qosyldy.
Qoryta kelgende, búginde elimizdegi 17 joǵary oqý ornynda 15 bilim berý baǵdarlamasy boıynsha 2000-nan asa stýdent jasandy ıntellekt salasynda oqıdy. Endi osy salaǵa bilikti mamandar daıarlaý úshin «Bolashaq» baǵdarlamasy arqyly jyl saıyn 100 stıpendııa bólý josparlanyp otyr.
