Foto: diapazon.kz
Sınoptıkterdiń boljaýynsha, jyly jáne az jaýyn-shashyndy aýa raıy qyrkúıektiń birinshi onkúndiginde ǵana saqtalady, odan keıin atmosferalyq fronttardyń jıi aýysýy baıqalady. Bul respýblıkanyń basym bóliginde turaqsyz aýa raıy jaǵdaıyna ákeledi.
Jańbyr, ekpindi jel jáne aýa temperatýrasynyń jıi aýytqýy kútiledi, al soltústik oblystarda túnde 1-7°S deıin aıaz bolýy múmkin.
Ońtústik oblystarda joǵary qysymdy aımaqtyń áserinen jaýyn-shashyn normadan az bolady, al temperatýralyq fon salystyrmaly túrde jyly bolady. Degenmen, bir aı ishinde aýa temperatýrasy birtindep tómendeıdi: túnde +15...+23 °C-tan +3...+10 °C-qa deıin, kúndiz +25...+35 °C-tan +15...+23 °C-qa deıin.
Qyrkúıek aıynda aýanyń ortasha aılyq temperatýrasy respýblıkanyń basym bóliginde normadan 1° joǵary, batysta, respýblıkanyń shyǵysy men ońtústik-shyǵysyndaǵy taýly aımaqtarda normaǵa jaqyn bolady dep kútiledi.
Qyrkúıek aıyndaǵy jaýyn-shashyn mólsheri respýblıkanyń basym bóliginde qalypty shamada jáne normadan joǵary, ońtústik oblystarda normadan tómen bolady dep boljandy.
Qazan jáne qarasha aılarynda kúzden qysqy kezeńge birtindep kóshý kútiledi. Jalpy Qazaqstannyń basym bóliginde aýa temperatýrasy ótken jyldarmen salystyrǵanda tómen bolady, al jaýyn-shashyn mólsheri respýblıkanyń barlyq derlik aımaqtarynda qalypty deńgeıde nemese odan da kóp bolady dep boljandy. Respýblıkanyń ońtústik-batysynda jáne ortalyǵynda jaýyn-shashyn normadan az bolady.
