Foto: Úkimet
Jumys sapary barysynda Qanat Bozymbaev BQO ákimi Narıman Tóreǵalıevpen jáne ónerkásip jáne qurylys vıse-mınıstri Qýandyq Qajkenovpen birge Qaratóbe aýdanyndaǵy Qorjyn aýylyna, Syrym aýdanyndaǵy О́leńti men Jympıty aýyldaryna, sondaı-aq Derqul, Zashaǵan aýyldaryna jáne Oral qalasynyń Juldyz shaǵyn aýdanyna bardy.
Qorjyn aýylynda bir páterli 3 bólmeli 90 turǵyn úıdiń qurylysy júrip jatyr. Munda elektr jáne jylytý jumystary tolyǵymen aıaqtaldy. 79 úıde ishki árleý jumystary aıaqtaldy. Nysanda 6 merdiger kompanııa jumys isteıdi. Olarmen kezdesýde Qanat Bozymbaev árleýshiler brıgadalarynyń sanyn kóbeıtýdi jáne qurylysty sapaly aıaqtaýdy tapsyrdy.
Syrym aýdanynyń О́leńti men Jympıty aýyldarynda tasqynnan zardap shekkender úshin 68 tıptik bir páterli jáne 10 eki páterli 3 bólmeli úılerdiń qurylysy júrgizilip jatyr. Búginde 45 úı tapsyryldy.
Oral mańynda da aýqymdy qurylys júrip jatyr. Munda sý tasqyny kezinde jalǵyz baspanasynan aıyrylǵan saıajaı turǵyndary úshin úıler salynýda. Juldyz shaǵyn aýdanynda 17 qurylys kompanııasy 191 tıptik úı salýda. Derqul aýylynda 103 úıde árleý jumystary jasalyp jatyr. Sondaı-aq Zashaǵan aýylyndaǵy 70 úıde ishki árleý jumystary júrgizilýde, taǵy 7 úıdiń shatyry jabylyp jatyr.
BQO ákimi Narıman Tóreǵalıevtiń aıtýynsha, úılerdiń basym bóligi 1 qyrkúıekke deıin paıdalanýǵa beriledi. Qanat Bozymbaev qurylys qarqynyn jedeldetýdi tapsyrdy.
Sondaı-aq oblysta 9 994 otbasy jalpy somasy 3,7 mlrd teńge bolatyn 100 AEK kóleminde birrettik tólem alǵan. Taǵy 10 222 otbasyna kelgen zalal úshin 150 AEK kóleminde ótemaqy tólengen. О́temaqylardyń jalpy somasy 3,68 mlrd teńge qurady.
