Foto:bolashak.gov.kz
Memorandýmnyń maqsaty – baılanys, telekommýnıkasııalar, aqparattyq tehnologııalar, jasandy ıntellekt jáne ınnovasııa salalary úshin shetelde joǵary bilikti kadrlardy daıarlaý jáne qaıta daıarlaý salasyndaǵy yntymaqtastyqty tereńdetý.
Memleket basshysy Qasym-Jomart Toqaevtyń tapsyrmasyna sáıkes, ol fınteh, telekommýnıkasııalar, jasandy ıntellekt jáne IT álemdik trendterine ıntegrasııalanýdyń mańyzdylyǵyn, sondaı-aq joǵary tehnologııalyq ortalyqtaryn qurý qajettigin atap ótti, «Qazaqtelekom» AQ-men yntymaqtastyq jastardyń sıfrlyq daǵdylaryn damytýǵa jáne bilikti mamandardy daıarlaýǵa, qaıta daıarlaýǵa baǵyttalǵan.
«Dúnıe júziniń jetekshi ýnıversıtetteri men ǵylymı ortalyqtarynda bilim alý arqyly bizdiń stıpendıattar Qazaqstanda tabysty qoldana alatyn ozyq álemdik tájirıbeler men tehnologııalardy meńgeredi. Ortalyq eldi sıfrlyq transformasııa máselelerin sheshýge jáne ekonomıkanyń negizgi sektorlarynyń damýyn qoldaýǵa qabiletti joǵary bilikti kadrlarmen qamtamasyz etý maqsatynda ınjenerlik-tehnıkalyq mamandardy (EjB) daıarlaýǵa erekshe kóńil bóledi», dedi «Halyqaralyq baǵdarlamalar ortalyǵy» AQ basqarma tóraǵasy Álııa Ospanova.
«Qazaqtelekom» AQ basqarma tóraǵasy Baǵdat Mýsın mamandardyń jańa býynynyń qalyptasýyna yqpal etetinine senim bildirdi.
«Halyqaralyq baǵdarlamalar ortalyǵymen yntymaqtastyq sıfrlyq bolashaqtyń mindetterin sheshýge qabiletti kadrlardy daıyndaýdyń biregeı múmkindikterin beredi. Biz Qazaqstannyń halyqaralyq arenadaǵy pozısııasyn nyǵaıta túsetin jastardyń sıfrlyq quzyrettiligin damytýǵa úles qosqanymyzǵa qýanyshtymyz», dedi ol.
Aıta keteıik, taraptar «Bolashaq» baǵdarlamasynyń túlekterin jumysqa ornalastyrýdy qoldaýǵa jáne ekonomıkanyń negizgi salalarynda, onyń ishinde baılanys, telekommýnıkasııalar men IT-tehnologııalarynda suranysqa ıe joǵary bilikti mamandardy daıarlaýǵa baǵyttalǵan birqatar jobany júzege asyrýǵa kelisti.
«Bolashaq» baǵdarlamasy boıynsha «Qazaqtelekom» AQ qyzmetkerleri Huawei jáne Ericsson sııaqty jetekshi korporasııalarda «500 ǵalym» ǵylymı taǵylymdamadan jáne kásibı taǵylymdamadan óte alady, sondaı-aq MIT, Stanford University, University of California-Berkeley, Tsinghua University sııaqty álemniń joǵarǵy oqý oryndarynda magıstratýra jáne doktorantýra baǵdarlamalary boıynsha oqýdan óte alady.
