– Biz úshin bul tosynsyı boldy. Oqýshylar saraıy Prıshahtınsk shaǵyn aýdanynda ornalasqan. О́zimizdiń kóligimiz bolmaǵandyqtan, balalarmen qala ortalyǵyna qatynaý, ártúrli is-sharalarǵa barý úlken másele edi. Sondyqtan bul – biz úshin óte baǵaly syılyq, – dedi «Káýsar» oqýshylar saraıynyń dırektory Áıgerim Isbekova.
Nura aýdanyndaǵy Shahter aýlynyń Mádenıet úıinde de buryn-sońdy jeke avtobýs bolǵan joq. Sondyqtan Prezıdenttiń tartýy olardyń da muqtajyn ótedi.
– Endi biz osy kólikpen konkýrstarǵa alańsyz bara alamyz. Qýanyshtymyz. Aýylymyzdyń Mádenıet úıinde jeti kórkemónerpazdar ujymy jumys isteıdi. Júzge jýyq jas pen jasóspirim shyǵarmashylyqpen aınalysady, – dedi Nura aýdany Mádenıet úıiniń dırektory Ádilbek Qumar. – Sonymen qatar Shahter aýylynda deneshynyqtyrý-saýyqtyrý kesheni bar. Bul avtobýsty jarysqa baratyn sport-
shylarymyz da paıdalanady.
Memleket basshysy 14 tamyzda Qaraǵandy oblysyna jumys saparymen baryp, óńirdegi ónerkásip jáne ındýstrııalyq kásiporyndardyń, áleýmettik nysandardyń qyzmetimen tanysty. Atap aıtqanda, Qasym-Jomart Toqaev Prıshahtınsk shaǵyn aýdanynda jańadan ashylǵan Oqýshylar saraıyn, sondaı-aq Nura aýdany Shahter aýlyndaǵy jaqynda ǵana jóndeýden ótken Mádenıet úıi men deneshynyqtyrý-saýyqtyrý keshenin aralap kórdi.
