Sýretti túsirgen – Erkebulan Bısenǵalıev
Shalǵaı aýyl halqynyń osy qýanyshyna aýdan ákimi Nurlybek Daýmov pen aýdandyq aýrýhana basshysy Anarbek Belısanov ortaqtasty.
– Aýyldyń áleýmettik jaǵdaıyn jaqsartý – Memleket basshysy ózi nazarda ustap otyrǵan mańyzdy baǵyt. Qasym-Jomart Kemeluly ár Joldaýynda densaýlyq salasyna arnaıy toqtalyp, «Elimizdiń basty kapıtaly – adam. Deni saý ult – myqty memlekettiń berik tuǵyry, negizi» dep naqtylap otyrady. Medısınalyq qyzmet sapasyn arttyrýda qadaý-qadaý ıgi isterdi iske asyrýǵa qomaqty qarjy esh kedergisiz bólinip keledi. Sonyń jarqyn úlgisi – búgingi oqıǵa. Eseptik kezdesýlerde azamattar aýyldaǵy ambýlatorııa men medısınalyq pýnktterdiń tozyǵy jetkenin, jedel járdem kólikteri isten shyǵyp, feldsherlerdiń kóliksiz qalǵanyn másele etip kótergen edi. Kúni keshe birneshe okrýgke jedel járdem kóligin tabystadyq. Mine, búgin medısınalyq nysandardyń da máselesi oń sheshilgenine kýá bolyp turmyz. Bıyldyń ózinde Shońaı, Ájen, Kókterek, Jetibaı, Taıǵara, Keńoı eldi mekenderindegi medpýnktterdi kúrdeli jóndeý qolǵa alyndy. Dál búgin tórt nysan paıdalanýǵa berildi. Qalǵan eki nysannyń jóndeý jumysyn jyl aıaǵyna deıin aıaqtaımyz. Osyndaı jarqyn isterimiz jalǵasty bolsyn, – dedi aýdan ákimi Nurlybek Jasqaıratuly.
Aýyldaǵy dárigerlik pýnktterdiń ǵımaraty ǵana jóndelip qoımaı, ondaǵy qural-jabdyq ta túgeldeı jańartyldy.
Batys Qazaqstan oblysy
