Maksım Spotkaı joǵary deńgeıdegi turaqty ózara saparlardyń mańyzyna nazar aýdaryp, Qazaqstan men Ázerbaıjan arasyndaǵy qarym-qatynasty nyǵaıtýda Memleket basshylarynyń róli zor ekenin atap ótti. Suhbat kezinde ekijaqty baılanystyń damýynda Parlamentaralyq yntymaqtastyqtyń da mańyzdy oryn alatyny aıtyldy.
Farıd Gadjıev eki memlekettiń qarym-qatynasy ortaq tarıhı jáne mádenı qundylyqtarǵa, sondaı-aq dostyq pen baýyrlastyqqa taban tireıtinin atap ótti.
Sonymen qatar Qazaqstan Parlamentiniń delegasııasy Mıllı Medjlısi men onyń apparatynyń qurylymymen, qazirgi komıtetter men komıssııalardyń jumysymen, Ázerbaıjannyń saılaý júıesimen jáne zań shyǵarý úderisimen tanysty. Sondaı-aq Parlamentten oryn alǵan partııalardyń qyzmeti jáne ókildik organnyń syrtqy baılanysy da nazardan tys qalǵan joq. Dıalog kezinde Qazaqstan Senaty men onyń apparatynyń jumysy áńgimege arqaý boldy.
Qazaqstandyq delegasııa Ázerbaıjan Parlamentiniń ákimshilik ǵımaratyna da baryp, depýtattardyń jumys jaǵdaıymen, plenarlyq otyrys ótetin zalmen jáne «Jeńis buryshymen» tanysty. Budan basqa olar Geıdar Alıevtiń zıratyn zııarat etip, Shehıdter alleıasyna bardy.
