Foto: Adelaıda Áýesbekova
Buryn Astana qalasynyń qylmystyq ister jónindegi aýdanaralyq sotynyń 2029 jylǵy 29 aqpandaǵy sot úkimimen Muhamedıuly A. laýazymdyq ókilettikterin teris paıdalana otyryp, kinálige senip tapsyrylǵan bótenniń múlkin talan-tarajǵa salý arqyly, asa iri mólsherde urlaýdy uıymdastyrǵany, reıderlik áreketke baǵyttalǵany, ókilettikterin teris paıdalanýdy uıymdastyrǵany úshin memlekettik qyzmet atqarýǵa ómir boıyna tyıym salyp, 11 jylǵa bas bostandyǵynan aıyrýǵa úkim shyǵarǵan edi.
Sondaı-aq Nurazhan A. kinálige senip tapsyrylǵan bótenniń múlkin talan-tarajǵa salý jolymen, asa iri mólsherde urlaýǵa qatysqany úshin memlekettik qyzmet atqarýǵa ómir boıyna tyıym sala otyryp, 7 jyl 1 aıǵa bas bostandyǵynan aıyrýǵa;
Koshenov A. men Sadvokasova A. kinálige senip tapsyrylǵan bótenniń múlkin asa iri mólsherde, talan-tarajǵa salý jolymen urlaýǵa járdemdeskeni úshin kommersııalyq jáne ózge de uıymdarda 10 jyl merzimge materıaldyq-jaýapty laýazymdarmen aınalysý quqyǵynan aıyryla otyryp, 7 jyl 1 aıǵa bas bostandyǵynan aıyrýǵa, sondaı-aq A.Sadvokasovaǵa úkimniń oryndalýyn 5 jylǵa keıinge qaldyrý jazasy qoldanyldy;
Satýbaldın A. men Kochetov L. kinálige senip tapsyrylǵan bótenniń múlkin asa iri mólsherde, talan-tarajǵa salý jolymen urlaýǵa qatysqany úshin memlekettik qyzmette qyzmet atqarýǵa ómir boıyna tyıym sala otyryp, 7 jylǵa bas bostandyǵynan aıyrýǵa;
Jýaspaeva G. ókilettigin asyra paıdalanǵany jáne kórineý jalǵan qujatty paıdalanǵany úshin 2 jylǵa bas bostandyǵynan aıyrýǵa sottalǵan.
Sondaı-aq Jýaspaeva G. «QR Táýelsizdiginiń 30 jyldyǵyna oraı raqymshylyq jasaý týraly» zańnyń negizinde negizgi jazadan, QK 385-baby 3-bóligi boıynsha QK 71-baby 1-bóliginiń 1) tarmaǵy boıynsha eskirý merziminiń ótýine baılanysty qylmystyq jaýaptylyqtan bosatyldy.
Mádenıet jáne sport mınıstrliginiń talap qoıýy qanaǵattandyrylyp, 3,5 mlrd teńgeden astam somada keltirilgen zalal óndirilgen.
Birinshi satydaǵy sot A.Muhamedıuly jáne basqalary laýazymdyq ókilettikterin asyra paıdalanyp, kinálige senip tapsyrylǵan bótenniń múlkin talan-tarajǵa salý jolymen, asa iri mólsherde urlaýdy uıymdastyryp, oǵan qatysqany anyqtaldy. Qorǵaýshylar, sottalǵandar jáne olardyń advokattary sot úkimimen kelispeı, oǵan shaǵym keltirgen.
«Astana qalalyq sotynyń sot alqasy shaǵymdardyń dálelderin zerdelep, proseske qatysýshylardy tyńdap, qylmystyq istiń materıaldaryn zerttep, sottalǵandardyń kinásiniń dáleldengeni týraly sot qorytyndylarymen kelisti. Birinshi satydaǵy sot úkiminiń kúshin joıý nemese ózgertý úshin negizder anyqtalmady», delingen Astana sottary taratqan habarlamada.
Úkim zańdy kúshine endi.
