Foto: Mádenıet jáne aqparat mınıstrligi
Gollıvýdta ótken baıqaýǵa álemniń túkpir-túkpirinen talantty oryndaýshylar qatysqan.
Álıhan «akterlik óner» jáne «modelıng» nomınasııalary boıynsha óner kórsetken. Nátıjesinde ol úsh altyn jáne úsh kúmis medal jeńip aldy. Oǵan qosa Qazaqstan stýdentine kásibıligi men sheberligin rastaıtyn arnaıy orden tabystalǵan.
Nátıjesinde álemdik modelderdiń úshtigine engen Álıhan endi áıgili Versace jáne Gucci brendterimen kelisimshart jasasýdy josparlap otyr.
Aıta keteıik, Álıhan Nurjaýov Júsipbek Elebekov atyndaǵy respýblıkalyq estrada-sırk óneri kolledjinde teatr jáne kıno akteri mamandyǵy boıynsha bilim alyp jatyr.
