Aıta keteıik, jańa úıler salynǵan Jympıty aýylyndaǵy shaǵyn aýdandardyń biri «Qazaqstan halqyna» degen ataýǵa ıe boldy.
Batys Qazaqstan oblysynyń ákimi Narıman Tóreǵalıev pen «Qazaqstan halqyna» qorynyń tóraǵasy Bolat Jámishev qonys aýdarýshylardy qýanyshty sharamen quttyqtady.
«Qazaqstan halqyna» qory Prezıdenttiń tapsyrmasymen quryldy jáne qıyn-qystaý kezeńinde otandastarymyzǵa jaqyn bolý mańyzdy mıssııasyn júzege asyrady. Bıyl elimizdiń birneshe óńiri alapat sý tasqynynan zardap shekse, endi búgin Syrym aýdanynda salynǵan jańa úılerdiń kiltin saltanatty túrde tabystap jatyrmyz. «Qazaqstan halqyna» qorynyń qatysýymen elimizdiń 5 óńiriniń 20 eldi mekeninde 627 turǵyn úı salynatynyn atap ótkim keledi. Búgingi kúni 257 otbasy qonys toıyn toılap úlgerdi. Bizdiń mesenattarymyzdyń jáne Batys Qazaqstan oblysy ákimdiginiń, qurylysshylar men «Qazaqstan halqyna» qorynyń birlesken jumysynyń arqasynda Batys Qazaqstan oblysynda 114 jańa úı salyndy», dedi «Qazaqstan halqyna» qoǵamdyq qorynyń tóraǵasy Bolat Jámishev.
Sonymen qatar oblys ákimi Narıman Tóreǵalıev qurylysshylarǵa joǵary jumys qarqyny úshin jáne tótenshe jaǵdaıdyń zardaptaryn joıýǵa qoldaý kórsetkeni úshin «Qazaqstan halqyna» qoryna alǵysyn bildirip, jańa turǵyn úılerdiń salynýy sý tasqynynan zardap shekkenderdiń máselelerin sheship qana qoımaı, Syrym aýdanynyń damýyna eleýli úles qosatynyn atap ótti.
- Memleket basshysy sý tasqynynan zardap shekken azamattardy barlyq qajettilikpen qamtamasyz etýdi tapsyrdy. Osyǵan baılanysty, biz tabıǵı apatqa ushyraǵan BQO turǵyndarynyń baspana men tıisti aqshalaı ótemaqylardy ýaqytynda alýy úshin qoldan kelgenniń bárin jasaımyz. Buǵan mesenattar men úkimettik emes uıymdar úlken qoldaý kórsetip jatyr. Batysqazaqstandyqtarǵa arnap atsalysqany úshin «Qazaqstan halqyna» qoǵamdyq qoryna alǵys aıtamyn,- dedi Narıman Tóreǵalıev.
Aıta keteıik, aýdany 80 sharshy metr tıptik úılerdiń qurylysy qor men BQO ákimdigi arasynda memorandýmǵa qol qoıylǵannan keıin bastaldy. Batys Qazaqstan oblysynyń ákimdigi sý basý qaýpi joq aýmaqtarda jańa úıler salý úshin jer telimderin anyqtap, bóldi, sondaı-aq qajetti ınjenerlik ınfraqurylymdy júrgizýdi qamtamasyz etti. Oblys ákimdigi jergilikti qoǵam belsendilerimen birlesip júrgizip jatqan qurylys jumystarynyń barysy men sapasyn baqylaýdy jáne qadaǵalaýdy júzege asyrdy.
Jalpy alǵanda, sý tasqynynyń zardaptaryn joıý aıasynda «Qazaqstan halqyna» qory Batys Qazaqstan, Atyraý, Soltústik Qazaqstan, Qostanaı jáne Aqmola oblystarynda 627 otbasyna aýyldyq jerlerde turǵyn úı salýǵa 16,5 mıllıard teńgeden astam qarjy bólgen.
