Jyl basynan beri elimizde balalarǵa qatysty 3,5 myńnan asa jol apaty bolǵan, saldarynan 165 kámeletke tolmaǵan balalar qaza taýyp, 4 myńnan astamy jaraqat alǵan.
Joldaǵy qaýipsizdik kóbine kólik júrgizý tártibine baılanysty. Jol apattarynyń sebepteri mynadaı bolýy múmkin:
– Kólik tizginin kámeletke tolmaǵandarǵa nemese kólik basqarýǵa quqyǵy joq basqa adamdarǵa berý. Bul jol júrisi qaǵıdalaryn óreskel buzýǵa jatady.
– Jyldamdyqty arttyrý. Belgilengen jyldamdyqty saqtamaý jol apaty bolý yqtımaldyǵyn arttyrady.
– Mas kúıde kólik júrgizý. Alkogoldi nemese esirtkini qoldaný júrgizýshiniń reaksııasyn tómendetedi.
– Jol júrý qaǵıdalaryn buzý. Baǵdarshamdardy, jol belgilerin elemeý, basyp ozý erejelerin saqtamaý qaıǵyly jaǵdaıǵa ákep soǵady.
– Júrgizýshiniń nazaryn aýlaý. Uıaly telefondy paıdalaný jáne basqa da alańdatatyn jaǵdaılar júrgizýshige kedergi keltirip, oqys oqıǵaǵa sebep bolýy múmkin.
Polısııa azamattardy jolda muqııat jáne jaýapty bolýǵa shaqyrady. Júrgizýshiler jol erejelerin qatań saqtaýy kerek.
