BQO polısııa departamentiniń baspasóz qyzmetinen málim etkenindeı, oqıǵa 24 tamyz kúni tańǵy ýaqytta Kaztalov aýdany Jalpaqtal aýyly tusynda boldy.
«Anyqtalǵanyndaı, „GAZ-3102“ avtokóliginiń júrgizýshisi rýlge ıe bola almaı, jol shetinde turǵan „KamAZ“ avtokóligimen túıisken. Saldarynan 4 adam mert bolyp, úsh adam aýrýhanaǵa jatqyzylsa, onyń ekeýi — balalar. Jol oqıǵasy boıynsha sotqa deıingi tergeý amaldary júrgizilýde. Jol apaty saldarynan „GAZ-3102“ avtoóliginde jolaýshy esebinde bolǵan polısııa qyzmetkeri men onyń zaıyby kóz jumdy. BQO polısııa departamentiniń basshylyǵy men jeke quramy marqumdardyń otbasylary men týma-týysqandaryna kóńil aıtady», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, 1982 jylǵy eki er adam jáne 1985 jylǵy áıel oqıǵa ornynda qaıtys bolǵan. 1983 jylǵy áıel aýrýhanada kóz jumdy. Qazirgi ýaqytta aýrýhanada jatqan 2016 jylǵy ul balanyń jaǵdaıy óte aýyr. 2014 jylǵy jasóspirim men 1981 jylǵy er adamnyń jaǵdaıy turaqty dárejede aýyr. Dárigerler tarapynan barlyq qajetti medısınalyq kómek kórsetilýde.
