Foto: gov.kz
Sý qoımasy Qytaı aýmaǵynan bastaý alatyn transshekaralyq Ile ózeniniń sýyn jınaıdy. Bıyl kóktemde sekýndyna 900 tekshe metrge deıin sý kelgen. Mamandar munyń sebebin Tıan-Shan muzdyqtarynyń erýi men jaýyn-shashynnyń kóp bolýymen baılanystyrady.
«Qapshaǵaı sý qoımasy sońǵy ret 2014 jyly 100%-ǵa tolǵan bolatyn. Sýarý maýsymy bastalǵaly Sheńgeldi alqabynyń 6 myń gektar jáne Aqdala alqabynyń 28 myń gektar jerine sý berildi. Búgingi tańda sharýalardyń suranysy boıynsha sekýndyna 750 tekshe metr sý jiberilip jatyr», dedi Balqash-Alakól basseındik ınspeksııasy basshysynyń orynbasary Medet Kerimjanov.
Qazir Qapshaǵaı sý qoımasynda 16 mlrd 200 mln tekshe metr sý bar. Oblysta vegetasııa kezeńi qyrkúıektiń sońyna deıin jalǵasady. Odan keıin sý tasqyny kezeńine daıyndyq bastalady.
Aıta ketý kerek, Sý resýrstary jáne ırrıgasııa mınıstrligi Qazaqstan men Qytaı arasyndaǵy transshekaralyq ózenderdiń sýyn bólý máselesi boıynsha úkimetaralyq kelisim jobasyn ázirlep jatyr. Onyń ishinde úsh iri transshekaralyq ózen: Ertis, Ile jáne Emel bar. Búginde taraptar sý bólý máselesi boıynsha kelisimniń birqatar baby boıynsha ortaq mámilege keldi.
