Foto:DKNews
Joǵary aýdıtorlyq palatanyń baspasóz qyzmetiniń habarlaýynsha, bıyl Saýda jáne ıntegrasııa mınıstrliginiń jáne onyń vedomstvolyq baǵynyshty uıymdarynyń qyzmetine memlekettik aýdıt júrgizilgen. Aýdıt barysynda respýblıkada saýda ınfraqurylymynyń odan ári damýyn tejeıtin sebepterdiń biri bıznestiń osy baǵytta ınvestısııalaý múmkindikteriniń shekteýli ekeni anyqtalǵan. Osyǵan baılanysty saýda jáne ıntegrasııa mınıstrligine kásipkerlik sýbektileriniń qarjylyq áleýetin arttyrýdyń naqty mehanızmderin aıqyndaý tapsyryldy.
Nátıjesinde mınıstrdiń bıyl 21 maýsymdaǵy buıryǵymen Ishki saýda sýbektilerine jeke kásipkerlikti memlekettik qoldaý sharalaryn kórsetý qaǵıdalary bekitildi. Olar qazirgi zamanǵy saýda ınfraqurylymyn qalyptastyrý boıynsha is-sharalardy yntalandyrýǵa baǵyttalǵan.
Aıta keteıik, birinshi kezeńde memleket bul baǵytqa 4 mlrd teńge bólgen. Sonymen qatar «Damý» qorynan qarjylandyrýdy osy jyldyń qazan aıynda bastaý josparlanǵan.
Sondaı-aq erejede memlekettik qoldaý alýshylar úshin otandyq óndiristiń azyq-túlik jáne azyq-túlik emes taýarlaryn saýda oryndaryna ornalastyrý boıynsha qarsy mindettemeler kózdelgen. Bul elimizdiń taýar óndirýshilerdiń ónimdi ótkizý arnalaryna qoljetimdiligin arttyrady.
