Izgilikke jol ashqan aksııa

Abaı oblysy­nyń bilim bas­qarmasy men bilim meke­mele­rin­de ata-analardy qol­daý úshin senim telefony qoıy­lyp, «Call» ortalyqtary jumys isteıdi. Qa­zirgi tańda oblys kó­leminde 309 jalpy orta bilim be­retin mekeme bolsa, sonyń 302-si – memleket­tik, 7-eýi – jekemen­shik mektep. ­Bıyl 10 myń bala alǵash mektep ta­bal­dyryǵyn attaıdy.

Búginde joǵaryda atalǵan ba­ǵyttar boıynsha balalarǵa ma­terıaldyq qoldaý kórsetý aıasynda oblystaǵy áleýmettik ja­ǵynan az qamtylǵan otbasylar­dan shyqqan 22 641 oqýshyǵa jalpyǵa birdeı bilim berý qorynan 995,840 mln teńge bólindi. Bul mektep formasy jáne oqý quraldarymen qamtamasyz etý úshin ár balaǵa 43 407 teńge mólsherindegi qarjylaı kómek ata-analardyń nemese qamqorshy esebindegi adamdardyń shotyna tikeleı aýdarylady. Osyny júzege asyrý maqsatynda ata-analar men áleýmettik pedagogterge aqparattyq-túsindirý ju­mysy júrgizilip, oqýshy­lar­dyń tizimi men otbasylardyń áleýmettik sanatyn rastaıtyn qujattar jınaqtaldy.

Abaı oblysy bilim basqar­masynyń usynǵan dereginshe, «Arzan-mix-Semey» keńse taýarlary dúkeniniń demeýshiligimen Semeı qalasyndaǵy 100 oqýshyǵa oqý quraldary, onyń ishinde basqa kerek-jaraqtary bar mektep sómkesi berildi. Sonymen birge oblys ortalyǵynda atal­­ǵan aksııa sheńberinde ár apta­nyń demalys kúnderi mektep jár­meń­kesi ótedi. Jármeńkede oqýshylarǵa arnalǵan mektep kıimderi men oqý quraldary na­ryqtyq baǵadan aıtarlyq­taı tómen satylady. Sondaı-aq «Mektepke jol» aksııasy oblys ortalyǵynan bólek, aýdan or­talyqtary men shalǵaı aýyl­darda da jalǵasyp jatyr. Máselen, Besqaraǵaı, Jarma, Úrjar aýdandarynda jańa oqý jyly qarsańynda az qam­tylǵan otbasylardyń balalaryna qajetti oqý quraldary men mektep sómkeleri tabystal­dy. Aıtalyq, Besqaraǵaı aýdanynda «Qazaqstandaǵy Adventıs­tik kómek jáne damý agenttigi» qa­ıyrymdylyq qorynyń jetek­shisi V.Mıhaılov pen «Birlik» qoǵamdyq uıymynyń basshysy S.Áýbákirova 253 oqýshyny mektepke qajetti oqý quraldarymen qamtamasyz etip, 3 822 700 teńge kóleminde kómek kórsetti.

Al Jarma aýdanyndaǵy «Ba­qyrshyq Ken óndirý kásipor­ny» JShS bas dırektory K.Isaev 194 oqýshyǵa 1 194 928 teńge kó­leminde qarjylaı qoldaý kór­setse, Úrjar aýdanyndaǵy «MED365» kompanııasynyń dı­rek­tory Sh.Qulahmetov otyzǵa tar­ta áleýmettik az qamtylǵan jáne kópbalaly otbasynyń bala­laryna jalpy somasy 450 000 teńge kóleminde oqý quraldaryn alyp berdi.

Sondaı-aq Úrjar men Maqan­shy aýdandarynda mektep jár­meńkesi uıymdastyrylyp, jer­gilikti kásipkerler oqýshylarǵa arnalǵan mektep formalary men oqý quraldaryn qoljetimdi baǵada usyndy.

Abaı oblysy