Foto:medservise24.ru
Epıdemıologtyń aıtýynsha, JRVI jáne tumaýmen syrqattanýǵa epıdemıologııalyq qadaǵalaý júrgizilip jatyr, oǵan COVID-19 zerthanalyq zertteýleri de kiredi.
«Koronavırýsty erte anyqtaý máselesi álsiregen joq, qadaǵalaý barlyq jerde júrgizilip jatyr. Qańtar aıynyń basynan bastap Almatyda turǵyndar arasynda koronavırýs aýrýynyń 302 zerthanalyq rastalǵan jaǵdaıy tirkeldi. Sońǵy jeti kúnde - 9 jaǵdaı, bul ótken aptada anyqtalǵan jaǵdaılardyń sanynan eki ese kóp», dedi Ásel Qalyqova.
Sonymen qatar Qalyqova qalada ınfeksııaǵa qarsy vaksına joq ekenin atap ótti.
«Densaýlyq saqtaý mınıstrligi respýblıkany vaksınamen qamtamasyz etý boıynsha tıisti sharalar keshenin qabyldap jatyr», dep naqtylady epıdemıolog.
Eske sala keteıik, buǵan deıin Qazaqstannyń bas sanıtarlyq dárigeriniń mindetin atqarýshy Nurqan Sádýaqasovtyń aýrýhanalardaǵy medısına qyzmetkerlerine maska kııý rejımin qaıtarý týraly jarlyǵy jarııalanǵan edi.
