Atalǵan ınstıtýt, ıaǵnı KINI nemis standarttary boıynsha bolashaq balamaly energetıka jáne jańartylatyn resýrstar salasyndaǵy ınjenerlerin daıarlaıdy.
Úkimettiń 2024 jylǵy 28 maýsymdaǵy qaýlysymen Mańǵystaý oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi jospary bekitildi. Josparda Sh.Esenov ýnıversıtetiniń bazasyndaǵy Qazaq-nemis turaqty ınjenerııa ınstıtýty (KINI) ǵımaratynyń qurylysyna 2025 jylǵa 10 mlrd teńge qarastyrylǵan. Qarjylandyrý tetigi nysanaly damý transfert rásimi arqyly júzege asyrylady. Qazirgi ýaqytta Sh.Esenov ýnıversıteti nemis ýnıversıtterimen birlese aýdıtorııalar men qajetti zerthanalardyń sanyn belgileı otyryp, qurylystyń jobalyq tapsyrmasyn ázirledi.
«Sondaı-aq jergilikti ýákiletti organdardan jobalaýǵa arnalǵan sáýlet-josparlaý tapsyrmasy, toq, sý, jylý jáne baılanys jelilerin jabdyqtaý salasyndaǵy jelilerge qosýǵa arnalǵan tehnıkalyq sharttar alyndy. Ǵımarattyń eskızdik jobasy Aqtaý qalasy ákimdigimen kelisilip, bekitildi. Jobalaý smetalyq qujaty saraptamadan ótýge daıyndalyp jatyr», dedi Sh.Esenov ýnıversıtetiniń rektory Berik Ahmetov.
Rektordyń aıtýynsha, joba boıynsha 6 qabattan qurylyp, jalpy aýdany 25 960 sharshy metr bolatyn ınstıtýt ǵımaratynyń qazirgi tańda memlekettik saraptamaǵa qujattary joldanǵan.
Mańǵystaý óńirinen salynatyn jańa ǵımarat teńiz jaǵasyndaǵy qala sánin arttyrsa, jańa ınstıtýt elimizdiń jastary úshin bolashaqqa bastama bolmaq.
Mańǵystaý oblysy
