"Dıapazon" basylymy jazǵandaı, aıyptalýshy tarapta - qalalyq polısııa bóliminiń 23 jastaǵy ýchaskelik ınspektory. Qylmystyq is materıaldary boıynsha onyń tanysy alaıaqtyq isi boıynsha jaýap alý úshin bólimge jetkizilgen.
- Ýchaskelik polısııa qyzmetkeri ustalǵan adamnyń qylmysqa qatysy joq ekenin túsingen, biraq oǵan bul týraly aıtpaǵan. Ol oń prosessýaldyq sheshim qabyldaıtynyn aıtyp, tanysynan 1 mıllıon teńge talap etken. Kelissózder barysynda polıseı bul somany 500 myń teńgege deıin túsirgen, biraq onyń 300 myńyn úsh kúnnen keıin berýge kelisken", - dep jazady basylym.
Tanysy keliskendeı keıip tanytyp, ózi sybaılas jemqorlyqqa qarsy qyzmettiń call-ortalyǵyna telefon soǵady. Jemqorlyqqa qarsy kúreskerler polıseıdi qajetti somanyń bir bóligin alǵan sátte ustady.
Polıseı alaıaqtyq áreketi úshin sottaldy. Aıyptalýshy óz kinásin tolyq moıyndap, ata-anasynyń qolynda aqsha bar ekenin aıtyp, bas bostandyǵynan aıyrýǵa qatysty emes jaza taǵaıyndaýdy surady.
Sot ýchaskelik polısııa qyzmetkerin alaıaqtyq jasaǵany úshin kináli dep tanyp, 2,2 mıllıon teńge aıyppul salyp, ómir boıyna memlekettik qyzmette jumys isteýge tyıym saldy. Sondaı-aq ol sot úkimi boıynsha aǵa leıtenant sheninen aıyrylady.
