Mektep ujymyn, shákirtterdi jańa oqý jylymen quttyqtaǵan departament basshysy oqýshylarǵa sáttilik tileı otyryp, quqyq buzýshylyqtarǵa jol bermeı, jol qozǵalysy erejelerin qatań saqtaýǵa shaqyrdy.
- «Oqýshylar arasynda jábirleý-býllıng degen problema bar. Bul ár túrli sıpatta bolady, onyń saldary sýısıdke ákelýi múmkin. 12-den 16 jasqa deıingi balalar býllıng jasasa, onyń zańdy ókili ákimshilik jaýapqa tartylady. Al 16-dan 18 jasqa deıingi balalar jasasa, ózderi jaýapqa tartylady. Mundaı áreketke jol bermeńizder. Úlkender, kishilerdi qorǵap júrińder. Mektep ákimshiliginen osy máseleni baqylaýǵa alýdy suraımyn, - dedi Arman Orazalıev.
Polısııa bastyǵy túrli ınternet jelisinde kámeletke tolmaǵandardy esirtki taratýǵa shaqyrǵan habarlandyrý kóbeıgenin aıtyp, ata-analarǵa balanyń áleýmettik jelidegi is-áreketine únemi baqylaý jasap otyrýyn surady. «Mundaı áreket úshin qylmystyq jaýapkershilik 14 jastan bastap kózdelgen, sot praktıkasy boıynsha 7 jylǵa deıin bas bostandyǵynan aıyrý jazasy qarastyrylǵan. Qazir biz «Oral – esirtkisiz qala» dep atalatyn jańa joba boıynsha jumys bastadyq. Bul jumysqa barlyq múddeli uıymdardy jumyldyrdyq. Balalar, ásirese joǵary synyp oqýshylary, qumar oıynǵa áýes bolmańyzdar!» dedi polısııa bastyǵy.
Polısııa polkovnıgi óz sózinde skýter basqarý boıynsha zańnyń kúshine engenin aıtyp, osy kólik túrin qoldanýda jol qozǵalysy erejesin buzǵany úshin ákimshilik jaýapkershilik qarastyrylǵanyn eskertti.
Bala qaýipsizdigi árqashan polısııanyń basty nazarynda. 1 qyrkúıek – Bilim kúni polısııa qyzmeti kúsheıtilgen kestege kóshtip. Batys Qazaqstan oblysynda barlyq oqý uıymdarynda qaýipsizdikti qamtamasyz etý úshin 539 qyzmetker jáne 120 avtokólik jumylǵan.
Batys Qazaqstan oblysy
