Kollajdy jasaǵan Záýresh Smaǵul, «EQ»
«Qazaqstan halqy qazir múlde jańa saıası jaǵdaıda ómir súrýde. Sońǵy 5 jylda aýqymdy reformalar jasaldy. Elimizdiń saıası júıesi túbegeıli ózgerdi. Jurttyń sana-seziminde betburys bolyp jatyr. Halyqtyń quqyqtyq mádenıeti artyp keledi. Azamattardyń boıynda jańa ádetter, daǵdylar qalyptasyp, jańa qundylyqtar ornyǵýda. Saıası jáne qoǵamdyq bolmysymyz, mentalıtetimiz jáne mádenı kodymyz ózgere bastady. Bir sózben aıtsaq, Ádiletti Qazaqstan qurylyp jatyr. Munyń bári, eń aldymen, halyqtyń qalaýymen jasalýda. Sondyqtan biz alǵan betimizden qaıtpaımyz, baǵytymyzdan taımaımyz. Búgin biz alǵa qoıǵan josparymyzdy pysyqtap, maqsattarymyzdy aıqyndaımyz», dedi Prezıdent.
Memleket basshysynyń aıtýynsha, qazir jer júzinde geosaıası teketirester beleń alyp tur. Soǵan qaramastan, Qazaqstan beıbit ári evolıýsııalyq jolmen damyp kele jatyr.
«Biz damýdyń jańa baǵdaryn belgiledik. Ekonomıkany ártaraptandyrý isine tyń serpin berdik. Inflıasııa baıaýlady, ıaǵnı byltyrǵy eń joǵarǵy deńgeıden 2,5 ese tómendedi. Elimizdiń halyqaralyq rezervi 100 mıllıard dollardan asty. О́ńdeý ónerkásibi taý-ken salasymen salystyrǵanda jyldam ósip jatyr. Biz osy qarqyndy joǵaltpaýymyz kerek. Buǵan deıin jasalǵan qolaıly jaǵdaıdy tıimdi paıdalanyp, jańa ınvestısııalyq kezeńdi bastaýymyz qajet», dedi el Prezıdenti.
Sondaı-aq Qasym-Jomart Toqaev Úkimet jáne ákimder ekonomıkanyń qurylymyn ózgertýge basa nazar aýdarýǵa tıis ekenin atap ótti
«Elimizdiń turaqty damýyna múmkindik beretin jańa tetikterdi qarastyrǵan jón. Basty maqsat – azamattardyń tabysyn arttyrý. Jumysty durys úılestire bilsek, bul – qoldan keletin sharýa», dedi Prezıdent.
