Foto:Ashyq derekkóz
«Memleket qarjysynyń turaqtylyǵyn qamtamasyz etýdiń birden bir joly – kórpege qaraı kósilý. Sondyqtan bıýdjet qarajatyn strategııalyq mańyzy joq, asa shuǵyl emes sharýalarǵa ońdy-soldy shashýdy doǵarý kerek», dedi Memleket basshysy.
Prezıdenttiń bıýdjet qarajatyn ońdy-soldy shashpaı, tıimdi kompensasııalyq tásilder oılastyrýy qajet ekenin atap ótti.
«Bıýdjetaralyq qarym-qatynasty da retke keltirý qajet. Shaǵyn jáne orta bıznesten túsetin salyqty aımaqtardyń ózinde qaldyrý durys ári ýaqtyly qabyldanǵan sheshim boldy. Bul qadam kásipkerliktiń damýyna edáýir serpin berdi. Sonymen qatar ákimderdiń derbestigin arttyrdy. Alaıda keıbir ákimder qosymsha kiris kózine ıe bolǵan soń, ony elge paıdasyz iske shashyp, tıimsiz jumsaıtyn boldy. Asa mańyzdy emes mindetter men jobalarǵa qarjy bóle bastady. Úkimet bıýdjet tapshylyǵynyń ornyn toltyratyn qarjy kózin tabý úshin tıimdi kompensasııalyq tásilder oılastyrýy qajet», dedi Qasym-Jomart Toqaev.
Sonymen qatar, Memleket basshysy Ulttyq qordyń róline jeke toqtalyp, qordyń qarajatyn memleket múddesi úshin, elimizdiń strategııalyq maqsattaryn júzege asyrý úshin paıdalaný qajet ekenin tilge tıek etti.
«Endi Ulttyq qordyń róline jeke toqtalaıyn. Qordyń qarajatyn, eń aldymen, memleket múddesi úshin, ıaǵnı elimizdiń strategııalyq maqsattaryn júzege asyrý úshin paıdalaný qajet. Ulttyq qor sheteldik qarjy ınstıtýttaryna qyzmet etpeýi kerek. Ulttyq qor – uzaq merzimge arnalǵan makroekonomıkalyq turaqtylyqty qamtamasyz etetin asa mańyzdy qural. Sondyqtan ony tıimdi basqarý qajet», delingen Prezıdent Joldaýynda.
