Joldaýda kóterilgen máseleler – aqsha-nesıe jáne fıskaldy saıasat arasyndaǵy úılesimsizdik, ınvestısııalyq ahýal men bızneske jaǵdaı jasaýdy odan ári jetildirý, ónerkásip jáne ınfraqurylym máseleleri, kadrlyq áleýetti arttyrý, ult saýlyǵyn nyǵaıtý, ekologııalyq ahýal men memlekettik basqarý isi, sonymen qatar qoǵamda zań men tártip ıdeologııasyn tereń ornyqtyrý qajettigi de – negizgi másele. Baıqap otyrǵandaryńyzdaı, kóterilgen oılar aýqymdy, mazmuny jaǵynan ár tarapty.
Bastysy halyq únine qulaq túrip, AES salý máselesin jalpyhalyqtyq referendýmda sheshý, aýdan jáne oblystyq mańyzy bar qala ákimderin tolyǵymen jalpy saılaý arqyly júzege asyrý qoǵamda saıası belsendilikti arttyrary sózsiz.
Al qarapaıym jumysshy mamandyǵy mártebesin arttyrý baǵytynda keler jyldy Jumysshy mamandyqtary jyly dep jarııalaý usynymy, Salyq kodeksin asyqpaı, jan-jaqty talqylap, qabyldaý merzimin shegerý jáne bankter týraly jańa zańdy qabyldaýdy tapsyrý, basty maqsat – azamattardyń tabysyn arttyrý ekendigin aıqyndaý sııaqty sheshimder halyqtyń áleýmettik-ekonomıkalyq máseleleriniń sheshilýine negiz bolaryna senimdimiz.
Amangeldi TOLAMISOV,
Senat depýtaty
