«KAZ Minerals» kompanııasynyń baspasóz qyzmeti habarlaǵandaı, oryn alǵan oqıǵalardyń mán-jaıy men sebepteri anyqtalyp jatyr. Qaıǵyly jaǵdaılardy tergeý úshin arnaıy komıssııalar quryldy. «KAZ Minerals» dırektorlar toby keńesiniń tóraǵasy Oleg Novachýk jazataıym mán-jaıdy bilýge óńirge baryp, qara jamylǵan otbasylarǵa jan-jaqty kómek kórsetiletinin aıtty. Sonymen qatar jergilikti bılik te kómek qolyn sozatynyn jetkizdi.
– Bul – qaıǵyly jaǵdaı. Biz asyraýshysynan aıyrylǵan otbasylarǵa balalardy oqytý jáne basqa da ómirlik jaǵdaılarǵa qatysty tolyq kómek kórsetemiz. Osy oqıǵanyń egjeı-tegjeıine jetýge biz kompanııa basshylyǵyn kútemiz, – dedi oblys ákimi Ermek Kósherbaev.
Sondaı-aq oblys ákimi oqıǵa ornynda oblystyq polısııa departamentiniń basshylyǵymen barlyq qajetti tergeý jumysynyń júrgizilip jatqanyn atap ótti. Anyq bolǵandaı, qaza bolǵan jumysshylardyń ekeýi «Vostoksvetmet» JShS qyzmetkerleri, ekeýi merdiger uıymdardyń qyzmetkerleri edi. Oqıǵa ornynda taǵy bir jumysshy zardap shegip, aýrýhanaǵa jatqyzylǵan. Dárigerlerdiń habarlaýynsha, onyń jaǵdaıy turaqty.
О́ńir basshysy Ermek Kósherbaevtyń aıtýynsha, oblysta jedel shtab qurylǵan.
Arnaıy komıssııa qaıǵyly jaǵdaıdyń mán-jaıyn anyqtaý úshin jumys júrgizip jatyr.
Jalpy, «KAZ Minerals» – elimizde zamanaýı, iri aýqymdy, az shyǵyndy karerlik tıptegi taý-ken óndirisin damytýǵa baǵyttalǵan, ósý áleýeti zor mys óndirýshi kompanııa. Top operasııalyq is-qyzmetin Abaı oblysynda ornalasqan Aqtoǵaı jáne Pavlodar oblysyndaǵy Bozshakól ashyq kenishterde, Shyǵys Qazaqstan, Abaı oblystaryndaǵy úsh kenish pen ken baıytý fabrıkalarynda, Qyrǵyzstandaǵy Bozymshaq mys-altyn kenishinde júrgizedi. Kompanııa 2019 jyly satyp alynǵan «Baımskaıa» mys jobasynyń banktik tehnıkalyq-ekonomıkalyq negizdemesin ázirleýdi aıaqtady. Reseıdegi «Baımskaıa» lısenzııaly alańynyń aýmaǵynda ornalasqan Peschanka ken ornynyń resýrstary JORC kodeksine sáıkes baǵalanyp, kendegi mólsheri 0,39% bolatyn 10,4 mln tonna mysty jáne úlesi 0,21 g/t bolatyn 17,5 mln ýnsııa altyndy quraıdy. Al 2022 jyly mystyń jalpy óndiris kólemi 380 myń tonnany qurady. Ilespe ónim retinde 47 myń tonna konsentrattaǵy myrysh, 171 myń ýnsııa altyn men 3,8 mln ýnsııa kúmis óndirildi.
Toptyń negizgi óndiristik kásiporyndary – Aqtoǵaı men Bozshakól saladaǵy aldyńǵy qatarly damý kórsetkishterin qamtamasyz etip, «KAZ Minerals» qorynyń basym bóligi álemdik deńgeıdegi ashyq túrdegi kenishterden turatyn kompanııaǵa aınaldyrdy. Sýlfıdti kendi qaıta óńdeý qýatyn eki ese arttyratyn Aqtoǵaıdy keńeıtý jobasy 2021 jyldyń qazan aıynda iske qosylyp, jeltoqsan aıynda tutynýshylarǵa alǵashqy ónim jetkizildi. Jalpy, «KAZ Minerals» kásipornynda Qazaqstanda, Qyrǵyzstanda, Reseıde shamamen 14 000 adam jumys isteıdi.
Shyǵys Qazaqstan oblysy
