Foto: QR Oqý-aǵartý mınıstrligi
Aıta keteıik, qor Memleket basshysynyń tapsyrmasymen qurylyp, sybaılas jemqorlardan keri qaıtarylǵan qarajat esebinen tolyqtyrylady. Ol úsh aýysymdy, apatty mektepter máselesin sheshýge jáne jalpy qosalqy qurylys nysandaryn salý men mektepterdi rekonstrýksııalaý arqyly oqýshy ornynyń tapshylyǵyn joıýǵa baǵyttalǵan.
QR Oqý-aǵartý mınıstrliginiń Infraqurylymdy damytý departamentiniń málimetinshe, memleket tarapynan balalardyń bilim alýyna jaıly jaǵdaı jasaýǵa erekshe kóńil bólinip jatyr. Qor qurylǵan sátten bastap elimizdiń birqatar óńirinde, sondaı-aq Astana, Almaty jáne Shymkent qalalarynda 76,7 myń oqýshy ornyna arnalǵan 62 mekteptiń qurylysy qarjylandyrylǵan. Búginde 63,2 myń oqýshyǵa arnalǵan 52 mektep qoldanysqa berildi.
Eske sala keteıik, osy jyldyń basynda Bilim berý ınfraqurylymyn qoldaý qorynyń qarajaty esebinen taǵy 20 jańa mektep salynatyny belgili boldy. Bul mektepter 2025 jyly qoldanysqa beriledi dep josparlanǵan.
Bilim berý ınfraqurylymyn qoldaý qory esebinen barlyǵy 92 myń oryndyq 82 mekteptiń qurylysy qarjylandyrylǵan. Atalǵan sharalar elimizdiń bilim berý júıesin uzaq merzimdi damytýǵa jáne jańǵyrtýǵa baǵyttalǵan.
