Azamattyq kodekstiń 397-babyna sáıkes, kez kelgen abonent bıometrııalyq derekterdi usynýy tıis. Bul qadam – alaıaqtardyń jolyn kesýge septigin tıgizedi. Aıta keteıik, «Face ID» nómirdi basqa operatorǵa aýystyratyn kezde de suralady.
Sondaı-aq qoǵamdyq oryndarda ınternetke kirý úshin SMS nemese qońyraý arqyly beriletin birrettik parolder engiziledi. Eske salaıyq, jelige operatordyń qosymshasy arqyly skanerlengen sáıkestendirý qujattary arqyly da kirýge bolady.
Avtorızasııaǵa ruqsat berý ádisteri: eGov-pen baılanys; bıometrııa; bank kartasynyń nómiri arqyly rastaý; operatordyń qosymshasy arqyly qujatty skanerleý; áleýmettik jelilerdegi akkaýnttar; rastaý elektrondyq poshtasy.
Bul sharalar qaýipsizdikti kúsheıtýge ári paıdalanýshylardy sáıkestendirý úderisin jeńildetýge baǵyttalǵan. Degenmen bıometrııalyq derekterdi jınaýdyń keńeıýimen jeke aqparatty qorǵaý qajettiligi de arta túsetinin eskergen jón.
