Foto: instagram.com/modgovkz
Global Firepower reıtıng rettiligin belgileýde eldiń ásker sany, áskerı tehnıkasy, ekonomıkalyq turaqtylyǵy, resýrstarǵa qoljetimdiligi men strategııalyq geografııalyq ornalasýy sııaqty 60-tan asa kórsetkishterge kóńil bólgen.
2024 jylǵy Global Firepower kóshin AQSh armııasy bastaǵan. AQSh áskeriniń quramasynda 92 eskadralyq mınatasýshy, 11 avıatasymaldaǵysh bar. Al jalpy bıýdjeti 886 mıllıard dollardy quraǵan.
Ekinshi orynǵa Reseı Federasııasy turaqtasy, ásker qýaty turǵysynan úshtikti Qytaı Halyq Respýblıkasy túıindegen.
Tórtinshi orynǵa arnaıy baǵdarlama aıasynda áskerı tehnıkalaryn jańǵyrtqan Úndistan jaıǵasqan. Úzdik bestikke damyǵan áskerı-teńiz floty men zamanaýı avıasııasy qaýqarly Ońtústik Koreıa ilikken.
Al Qazaqstan jalpy kórsetkish boıynsha 58-orynǵa taban tiregen. Bul byltyrǵy reıtıngten 5 satyǵa joǵary. Reıtıngte joǵary kóterilýimizge qarýly kúshterimiz qatarynda dúrkindetip atatyn reaktıvti júıeler (DARJ) men ózdiginen júretin artıllerııany kóbeıtip, áskerı tehnıkamyzdy belsendi túrde jańǵyrtyp jatqanymyz sebep bolǵan. Osyndaı jetistikterimen memleketimiz Ortalyq Azııada armııasy eń myqty el retinde tanyldy. Ortalyq Azııada bizden keıingi ekinshi orynda О́zbekstannyń qarýly kúshteri tur, jalpy satydan ońtústiktegi kórshimiz 65 orynnan kóringen.
Túrikmenstan halyqaralyq áskerı alıanstardan oqshaýlanǵan memleket bolǵandyqtan, atalǵan reıtıngte 145 eldiń ishinen 86-oryn ıelengen. Ortalyq Azııanyń ekonomıkalyq damý turǵysynan sońǵy 4 jáne 5-oryndarda turǵan Qyrǵyzstan men Tájikstan GFP reıtınginde sáıkesinshe 94 jáne 107-orynda tur.
Qazirgi tańda áskerı qaqtyǵys júrip jatqan Ýkraına áskeri reıtıngte neshinshi orynda ekenin gazetimizdiń búgingi sanynda jarııalanǵan Eskindir Zulqarnaıdyń «Áskerı áleýet: bes satyǵa joǵarylady» maqalasynan bile alasyz.
