Foto: pixabay.com
Mamandar Qazaqstannyń basym bóliginde turaqsyz aýa raıy saqtalatynyn eskertti.
Máselen, ońtústik óńirlerde jańbyr jaýyp, naızaǵaı oınaıdy. 7 qyrkúıekte respýblıkanyń soltústiginde, ońtústiginde jáne ońtústik-shyǵysynda qatty jańbyr jaýady. Al eldiń shyǵysy men ońtústik-shyǵysyndaǵy taýly aımaqtarda jańbyr men qar jaýady.
Qazaqstannyń batysynda ǵana jaýyn-shashynsyz aýa raıy kútiledi.
Odan bólek, el boıynsha jel kúsheıedi.Túnde jáne tańerteń soltústik, shyǵys jáne ortalyq aımaqtarda tuman túsedi.
«7 qyrkúıekte soltústikte, shyǵysta jáne ortalyqta, 8 qyrkúıekte Qostanaı oblysynda, elimizdiń ońtústik-shyǵysyndaǵy taýly aımaqtarda topyraq betinde 3 gradýsqa deıin úsik júredi», dep eskertti sınoptıkter.
