Abyroı bolǵanda, qabyrǵa qulaǵan kezde mektepte eshkim bolmaǵan. Oqýshy da, muǵalim de din aman.
«Áýlıekól aýdanynyń Novonejın aýylyndaǵy B. Kenjetaev atyndaǵy Novonejın jalpy bilim beretin mektebiniń ǵımaratyn kúrdeli jóndeý 2024 jyldyń maýsymynda bastalǵan. Alaıda jóndeý jumysyn bastaǵan qurylys kompanııasy óz mindetin merziminde aıaqtaı almady. «PKF Grenada» seriktestiginiń atyna narazylyq notasy joldandy. Merdigerdi sotqa berý úshin materıal daıyndalyp jatyr. Oqys apattyń sebebin arnaıy komıssııa anyqtaıdy. Qysqa merzim ishinde tehnıkalyq tekserý júrgizilip, qortyndysy shyǵarylady. Kináli adamdar jaýapqa tartylady», dep málimdedi oblystyq bilim basqarmasynyń baspasóz qyzmeti.
Oqys apat bolǵan mekteptiń oqýshylary qashyqtan oqýǵa kóshirildi.
